Luka 11:19 - Tedim Bible Revision 2017

¹⁹ Keʼn Beelzebulʼ vangliatna tawh dawi hawl khia ka hih leh, na mipihte un kuaʼ vangliatna tawh hawl khia ahi uh hiam? Na ngaihsut khialhna uh amaute in hong langsak ding hi.

Tedim Bible

¹⁹ Keimah in Beelzebub suangin dawite hawlkhia leng na tate un kua suangin dawite a hawlkhia ding uh hiam? Tua ahih ciangin, amaute in note tungah thukhen dingte ahi uh hi.

Luka 11:19 Referans Kwoze

Luka 9:49

Tua ciangin Johan in, “Topa aw, nangma min tawh dawi a hawl khia mi khat ka mu uh a, amah pen eima pawl sungah a om hi lo ahih manin ka kham uh hi,” a hong ci hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Luka 19:22

A topa in ama kiangah, ‘Nasem gina lopa aw, nangma kampau mah tawh nang na kiman hi. Sum lam lopi-in sum ka deihlam, lokho lopi-in an la nuamin, mi sit hak ka hih lam nong thei hi.

JOB (Job) 15:6

Na mawhna thu keiʼ hong gen kisam lo a, na pauna khempeuh in na mawhna hong langsak ta hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 10:25

Tua ahih manin sang naupangte pen a siapa uh tawh a kibat uh leh a lungkim ding uh hi a, silate pen a tote uh tawh a kibat uh leh a lungkim ding uh ahi hi. Innteek lutang pa pen Beelzebul hong ci uh ahihleh a innkuan pih mite tua sangin minsia zaw tawh hong ko zaw lai ding uh hi lo ahi hiam?

Sawltak 19:13

Dawi hawl khia-in a vak kawikawi Jew mi aitawi pawl khat in zong Topa Jesuʼ min zangin dawi hawlkhiat ding a sawm uh hi. Amaute in dawite kiangah, “Paul in a gengen Jesuʼ min tawh thu kong pia uh hi,” a ci uh hi.