Luka 11:1 - Tedim Bible Revision 2017

¹ Khat vei, Jesu in mun khat ah thu a ngen hi. A thunget a man khit ciangin a nungzuite khat in, “Topa aw, Johan in a nungzuite a hilh bangin kote zong thunget zia hong hilh in,” a ci hi.

Tedim Bible

¹ Zeisu in mun khatah thu ngen a, a tawp khit ciangin a nungzuite khat in, “Topa aw, Johan in ama nungzuite thunget nading ahilh mah bangin, kote zong hong hilh in,” ci-in a ngen hi.

Luka 11:1 Referans Kwoze

Late 19:14

Topa, ka belh suangpi le keimah hong tan khia pa aw, ka kammal le ka lungsim ngaihsutnate nangma muhna ah a sanhuai suaksak ta in!

Juda 1:20

Ahi zongin ka it note na hih uh leh a siangtho na upna uh ah na kip semsem unla, Kha Siangtho vangliatna tawh thu na ngen un.

Luka 6:12

Ni khat, thungen dingin mual tungah Jesu pai a, zan tawntung Pasian kiangah thu ngenin a om hi.

Luka 9:18

Khat vei, Jesu guak thungenin a om laitakin a nungzuite zong ama kiangah om uh hi. Jesu in a nungzuite kiangah, “Mite in kei kua hi, hong ci uh ahi hiam?” ci-in a dong hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Luka 9:28

Hih thu a gen khit nipikal khat bang khit ciangin Jesu in Peter, Johan le James te sam a, mual tungah thungen dingin a paipih to hi.

Late 10:17

Topa aw, lungnemteʼ deihna na ngai ding hi. A lungsim uh na hatsak dinga, na bil na ngat ding hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh a dang na lamen lai ding ka hi uh hiam?” ci-in a dong dingin a sawl hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Luka 11:2

Jesu in amaute kiangah, “Hih bangin na ngen ding uh hi: ‘Pa aw, na min siangtho kizahtak henla, na Ukna hun hong tung tahen.