Luka 10:42 - Tedim Bible Revision 2017

⁴² Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Tedim Bible

⁴² Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakhia lo ding hi,” ci-in a gen hi.

Luka 10:42 Referans Kwoze

Late 27:4

Topaʼ tung panin na khat ka ngen khin a, tua ngenin ka zon ding pen: Topaʼ inn sungah ka khan tawntungin om ding, Topaʼ hoihna et ding le ama biakinn sungah thu dot dingte ahi hi.

Johan 4:14

ahi zongin keima piak ding tui a dawn khempeuh dangtakkik nawn lo ding uh hi. Tua ka piak tui a dawnte sungah nuntakna tuinak piang dinga, a nungtasak paisuak ding hi,” a ci hi.

Johan 5:24

“A mantakin kong genin ah: Ka thugennate za-in kei hong sawl pa a um khempeuh a nungta paisuak ding hi ta hi. Mawhsak thukhenna ngah nawn loin, sihna panin a hingkik ta ahi hi.

Late 73:25

Nang sim loh vantungah kua nei ka hi hiam? Nang sim loh ka deih ding leitungah kuamah om lo hi.

Luka 18:22

Jesu in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Late 17:15

Kei ka hih leh, thumanna tawh na maitang ka en dinga, ka khanlawh ciangin nangma mel muhna tawh ka lungkim ding hi.

Marka 8:36

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam?

Late 142:5

Topa aw, nang tungah kong kiko hi. Nang pen keima belh na hi a, a hingteʼ leitang ah keima tanh na hi hi, ka hong ci hi.

Thu-hilhkikna 30:19

Tu ni-in noteʼ lang khat ah teci a pang dingin vantung le leitung ka sam a, noteʼ mai ah na teel dingun nuntakna le sihna, thupha le samsiatna ka koih hi. Tua ahih ciangin note le na suanlekhakte uh na hin theih nadingun nuntakna teel unla,

Late 119:30

Thuman lampi ka teel khin a, na biakna ngeina kipte ka deih hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Luka 12:20

Ahi zongin Pasian in ama kiangah, ‘Mihai pa aw, tu zan mahmah in na si ding hi. Hih na neihsa teng kuaʼn zang nawn ding ahi hiam?’ ci hi,” a ci hi.

Late 119:111

Nangmah biakna ngeina kipte tawntung keima luah ahi hi. Tuate pen keima lungdamna ahi hi.

1 KORIN MASA 13:3

Ka neih khempeuh midangte tungah pia-in, Pasianʼ nasepna hangin kihal tum na ka thuak ahi zongin itna ka neih kei leh ka phattuamna bangmah om lo hi.

Luka 12:33

Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Thuhilh-sia 12:13

Hih thute khempeuh banah gen ding thu khat bek om hi. Mihing hong kipiansakna a thu bulpi pen in: Pasian zahtakna le a thupiakte manna ahi hi.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai ah nopsakna a ngah laitakin nangmah in haksatna a thuak na hi hi.

Joshua 24:22

Tua ciangin Joshua in mite kiangah, “Ama na a sem dingin Topa na teel khitna uh ah note adingin note mah teci na hi uh hi,” a ci hi. Tua ciangin amaute in, “Kote, teci ka hi uh hi,” a ci uh hi.

Joshua 24:15

Topaʼ na na sepnop kei uh leh, Gun gal khat a, a na na sepsak uh na pu na pate uh pasian ahi a, noteʼ teenna gam Amor miteʼ pasian ahi zongin, a na na sepsak ding peuhpeuh uh tu ni-in teel un. Ahih hangin kei le ka innkuanpihte in ka hih uh leh Topaʼ na ka sem ding uh hi,” a ci hi.

Late 119:173

Nangma thuhilhte hong zui ka hih manin keimah hong huh dingin a kiging sa-in om tawntung in.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Luka 10:39

Martha in Mary kici nau numei khat nei a, Topaʼ thugente ngai-in Mary a om hi.

Luka 11:1

Khat vei, Jesu in mun khat ah thu a ngen hi. A thunget a man khit ciangin a nungzuite khat in, “Topa aw, Johan in a nungzuite a hilh bangin kote zong thunget zia hong hilh in,” a ci hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Johan 11:1

Tua laitakin Mary le a unu Marthaʼ omna Bethany khua ah Lazaras a kici mi khat a ci na hi.

Johan 11:19

a upa uh Lazaras a sihna hangin Martha le Mary a hehnem dingin Jew mi tampi zong hong pai uh hi.

Johan 12:3

Tua laitakin Mary in a manpha mahmah nard sathau namtui thawl khat hong paipih a, Jesuʼ khe a nuh khit ciangin a sam tawh a nulsak hi. Tua inn sung khempeuh sathau namtui gim hong nam hi.