Luka 10:39 - Tedim Bible Revision 2017

³⁹ Martha in Mary kici nau numei khat nei a, Topaʼ thugente ngai-in Mary a om hi.

Tedim Bible

³⁹ Tua numei in Mari a kici sanggam numei khat a nei hi. Tua Mari in Zeisu khe kiangah tu-in ama thu a ngai hi.

Luka 10:39 Referans Kwoze

Luka 8:35

Hih thupiang a en dingin mite hong pai uh a, Jesu kiang a tun uh ciangin dawi a pai khiatna mipa Jesu kiangah omin, puan silhin, a pilkikna thu a muh uh ciangin a vekpi-un lamdang sa-in a lau uh hi.

Paunak 8:34

Ka thugenna a ngai, nisimin ka kong gei ah omin, ka inn ah a ngak mipa in lungdamna ngah ding hi.

Johan 12:3

Tua laitakin Mary in a manpha mahmah nard sathau namtui thawl khat hong paipih a, Jesuʼ khe a nuh khit ciangin a sam tawh a nulsak hi. Tua inn sung khempeuh sathau namtui gim hong nam hi.

Sawltak 22:3

“Kei pen Silisia gam Tarsas khua-a suak Jew mi ka hi a, ahi zongin hih lai Jerusalem khua ah Gamalielʼ khutnuai ah sangnaupang hi-in a khangto ka hi hi. I pu i pateʼ Thukham limtakin hong kihilh a, tu-a note zah mahin Pasian tungah a kipia mi khat ka hi hi.

Luka 2:46

A ciah zawh uh a ni thum ni ciangin biakinn sungah amah mu uh a, siate lakah tu-in a thugen uh ngai-in, thu zong dong zelin a om a mu uh hi.

Thu-hilhkikna 33:3

Hi taktak hi; amah in a mite it a, ama tungah a ki-ap mi khempeuh a khut sungah om hi. Tua ahih ciangin amaute in na kalsuanna hong zui uh a, nang tung panin lamlahna ngah uh hi.

Johan 11:1

Tua laitakin Mary le a unu Marthaʼ omna Bethany khua ah Lazaras a kici mi khat a ci na hi.

2 KUMPI NIHNATE 4:38

Tua gam sungah kialpi a tun laitakin Gilgal ah Elisha hong paikik hi. Kamsangte ama mai ah tu-in thu a ngaih laitakin amah in a nasemte kiangah, “Beel pi suang unla kamsangte ading meh huan un,” a ci hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Johan 11:19

a upa uh Lazaras a sihna hangin Martha le Mary a hehnem dingin Jew mi tampi zong hong pai uh hi.