Luka 10:27 - Tedim Bible Revision 2017

²⁷ Amah in, “Na Topa Pasian na lungsim khempeuh, na nuntakna khempeuh, na hatna khempeuh le na pilna khempeuh tawh na it inla, nangmah na ki-it bangin na veengte na it in,” ci-in kigelh hi, ci-in a dawng hi.

Tedim Bible

²⁷ amah in, “Na Topa Pasian, na lungsim khempeuh, na kha khempeuh, na thahatna khempeuh, na pilna khempeuh tawh na it in. Na pumpi na it bangin na lawmte na it in,” ci-in a gen hi.

Luka 10:27 Referans Kwoze

Thu-hilhkikna 6:5

Topa noteʼ Pasian, na lungsim khempeuh uh, na nuntakna khempeuh uh le na thahatna khempeuh uh tawh na it ding uh hi.

ROM (Romans) 13:9

Thukham sungah, “Nulepa mawhna bawl kei in, mi that kei in, guta kei in, hazatna lungsim nei kei in,” cihna le a dang khempeuhte pen, “Nang na ki-it bangin na veengte na it in,” cihna thu in huam khin mang hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hin theih nadingun, Topa na Pasian un note le na suanlekhakte uh tungah thu man nopna lungsim hong guan ding hi.

Siampi Laibu 19:18

Note in nomauʼ mipihte tungah phu la loin, amau na lungsim neih kei ding uh a, nomau na ki-it uh bangin na veengte uh na it ding uh hi; kei pen Topa ka hi hi.

Jeim 2:8

Lai Siangtho sungah, “Nangmah na ki-it bangin na veengte na it in,” ci-in a genna Topaʼ Thukham zui le-uhcin a hoih hi pah hi.

Thu-hilhkikna 10:12

“Israel-te aw, tu-in, Topa na Pasian uh zahtak ding, ama lampite tot ding, amah it ding, na lungsim khempeuh uh le na nuntakna khempeuh uh tawh Topa noteʼ Pasianʼ na sep ding,

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang dinga, amaute lungtang tungah gelhin, amauteʼ Pasian ka hi dinga, amaute pen keima mi ahi ding uh hi.

Galati 5:13

Sanggamte aw, note na hih uh leh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zang zaw un.

Mattiu 19:19

na nu na pa zahtak in; nang na ki-it bangin na veengte na it in, cihnate ahi hi,” a ci hi.

Thu-hilhkikna 6:4

“Israel-te aw, za un: Topa i Pasian, Topa khat bek ahi hi.

Luka 10:26

Jesu in, “Thukham sungah bang kigelh a, bang sim na hi hiam?” a ci hi.