Luka 10:26 - Tedim Bible Revision 2017

²⁶ Jesu in, “Thukham sungah bang kigelh a, bang sim na hi hiam?” a ci hi.

Tedim Bible

²⁶ Zeisu in, “Thukhamna sungah bang a kigelh hiam? Bangci na sim hiam?” ci-in a dot ciangin,

Luka 10:26 Referans Kwoze

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

ROM (Romans) 10:5

Moses in a laigelhna sungah, “Thukham deihna bangin a gamta zo mi khempeuh a nungta ding hi,” ci-in Thukham zuihna hangin Pasian tawh kipawl theih nading thu a na gen hi.

Isaiah 8:20

Tua ciangin note in, “Topa in note hong hilh thute ngai un. Aisanteʼ thu ngai kei un. Amauteʼ hong gen thute a kimanna om lo hi,” ci-in dawng un.

Luka 10:25

Jesu a ze-et dingin Thukham hilh siate khat hong dinga, “Sia aw, nuntak tawntungna ka ngah theih nadingin bang sem ding ka hi hiam?” ci-in a dong hi.

Luka 10:27

Amah in, “Na Topa Pasian na lungsim khempeuh, na nuntakna khempeuh, na hatna khempeuh le na pilna khempeuh tawh na it inla, nangmah na ki-it bangin na veengte na it in,” ci-in kigelh hi, ci-in a dawng hi.