Luka 10:20 - Tedim Bible Revision 2017

²⁰ Ahi zongin dawite in na thu uh hong manna hangin lungdam kei unla, vantungah na min uh a kigelh manin lungdam zaw un,” a ci hi.

Tedim Bible

²⁰ Note bangmah in hong bawlsia kei ding hi. Ahih hangin dawite na zawh uh hangin lungdam kei un. Vantung khua sungah na min uh a kigelh manin na lungdam ta un,” a ci hi.

Luka 10:20 Referans Kwoze

Mangmuhna 20:15

A nungta mite a kigelhna laibu sungah a min a om lo peuhmah meiphual pi sungah kilawn hi.

Mangmuhna 20:12

A lian a neu misite tua tokhom mai ah dingin laibute a kilem ka mu hi. Tua ciangin a nungta mite a kigelhna laibu a dang khat zong a kilem ka mu hi. Amauteʼ gamtatna tua laibute sungah a kigelhna tawh kizui-in misite tungah thu a kikhen hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.

Hebru 12:23

vantungah a min a kikhum Pasianʼ ta upate a kikhopna, mi khempeuhteʼ thu a khen Pasianʼ kiang, a cingtaakin a kibawl midikteʼ kha a omna,

Mangmuhna 3:5

A gualzo mite in tua bangin puan pak silh ding uh a, a nungta mite a kikhumna laibu sung panin amauteʼ min ka phiat kei ding hi. Ka Pa le ama vantung mite kiangah zong keima mite ahihna uh ka pulak ding hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pian zawh a kipan a nasia penpen gimna hun hong tung ding hi. Tua hun a hong tun ciangin Pasianʼ laibu sungah a min a kigelh na mite khempeuh kihon khia ding hi.

Ezekiel 13:9

Zuau thu tawh maang mu kineihin, mite a khialh theih nadingin zuau thu a gen khol no kamsangte gim a hong pia ding ka hi ta hi. Ka mite a kikhop uh ciangin tuate lakah na kihel kei ding uh a, Israel miteʼ min a kigelhna lakah noteʼ min kigelh lo ding hi. Na gam uh ah na ciahkik ngei nawn kei ding uh hi. Tua ciangin Topa Pasian ka hihna thu na hong thei ding uh hi.

Paikhiatna 32:32

Ahih hangin nangmah in tu-in amauʼ khialhna maisak in. Na maisak kei ding leh, hong thum ing, nangma gelh sa laibu panin keimah hong phiat mai in,” a ci hi.

Filippi 4:3

Hih numei nihte in Klement le a nungta mite a kikhumna Pasianʼ laibu sungah a kikhum, ka nasep pih dangte khempeuh tawh, lungdamna thu a kizelh nadingin nakpi takin kei tawh na hong sem khawm uh ahih manin, citakin kei tawh na a sem khawm note in zong amau tegel na huh nadingun kong thum hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

Isaiah 4:3

Topa in thukhenna le meihalna tawh Zion miteʼ mawhna teng siangsakin, Jerusalem khua sung panin mi thahna teng a beisak ciangin Zion ah a om lai mi, Jerusalem ah khang tawntungin a om dingin a kiciamteh sa mite khempeuh, a siangtho kici ding hi.

Late 69:28

A nungtateʼ laibu sung panin amaute kiphiatsak inla, miphate lakah a min uh kikhumsak kei in.

Mattiu 10:1

Jesu in a nungzui sawm le nihte sam a, dawite a hawlkhiat theih nading uh le natna nam khempeuh a damsak theih nadingun amaute tungah vangliatna a pia hi.

Mattiu 26:24

Mihing Tapa ahihleh Lai Siangtho sungah a kigelh sa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama adingin hoih zaw ding hi,” a ci hi.

Mattiu 27:5

Tua ciangin amah in biakinn sungah a ngun peekte lawnin paikhia a, a mahmah a gui-awk hi.

Jeremiah 17:13

Aw Topa, Israel miteʼ lamet pa aw, nang a hong taisan mite a zahhuai ding uh hi. Nang a hong lehngat san mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisan zo uh hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta miteʼ min a kikhumna laibu sungah leitung pian ma-in a kigelh nai lo, tu laitakin leitungah a om mite in tua ganhing a et uh ciangin lamdang sa ding uh hi.