Luka 10:18 - Tedim Bible Revision 2017

¹⁸ Jesu in amaute kiangah, “Vantung panin keek kia bangin Satan a kiatna ka mu hi.

Tedim Bible

¹⁸ Zeisu in, “Satan in khuaphia bangin vantung pan hong kiasuk ke’n ka mu zo hi.

Luka 10:18 Referans Kwoze

Isaiah 14:12

“Nang Khuavakʼ ta, Zingsol, Babylon kumpipa aw, vantung panin nang bangci kiat na hi hiam? Minamte a niamkoih pa ahi nangmah leilak dongah hong bangci kiphuk pai ahi hiam?

Mangmuhna 9:1

Tua ciangin a ngana vantungmi in a peengkul hong tum a, vantung panin leitungah aksi khat a leeng suk ka mu hi. Tua aksi tungah kuahawm thukpi honna tawhtang a kipia hi.

Johan 16:11

hih leitung a ukpa pen thukhenna a thuak khin ahihna thu zong lak ding hi.

Johan 12:31

Tu-in leitung thukhen ding hun hong tung ta a, hih leitung a ukpa kilawn khia ding hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

Mangmuhna 20:2

Amah in tanglai gulpi, Dawimangpa ahih kei leh Satan zong a kici pa manin kum tul khat sung a hencip hi.

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.