Luka 10:15 - Tedim Bible Revision 2017

¹⁵ No Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi,” a ci hi.

Tedim Bible

¹⁵ Nang Kapernaum khuapi aw, vantung khua dongin minthan’na na ngah ding hiam? Nang in hel khua dongin na kiasuk ding hi.

Luka 10:15 Referans Kwoze

Mattiu 4:13

Galilee gam Nazareth khua ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua ah a va teeng hi.

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khah khong loin hell khuk sungah khia a, Thukhen Ni hun dong ngakin khuamial sungah kol bulh sa-in a omsak hi.

Luka 13:28

Pasianʼ Ukna sungah Abraham, Isaac, Jakob le kamsangte khempeuh a omna mu napi-in, note a pua lamah hong kihawlkhiat ciangin tua huna na kahna uh le na ha gawina uh bangzah takin nasia ding ahi hiam?

Mattiu 11:23

Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh noteʼ khua sunga hong kibawl nalamdangte, Sodom khua sungah kibawl hileh tu ni dongin tua khua kip lai ding hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Obadiah 1:4

Muvanlai bangin sangpi ah leengin, aksite lakah bu na bawl hangun no kong khia suk veve ding hi, Topa in a ci hi.

Ezekiel 32:27

Hih mite pen misiteʼ omna Leinuai ah a galvan teng uh tawh pai-in, a namsau uh kilukham sakin, a lum uh a awm tung uh ah a kikoihsak kawmin limtakin a kivui tanglai galkapte bangin pahtawi a vuina ngah lo uh hi. Ahi zongin hih mite pen midang a lausak zo dingin a vanglian ngeite ahi uh hi.

Ezekiel 32:20

“Gal sung a a kithatte tawh si khawm ding uh hi. Egypt gam sunga om mi khempeuh a vatlum dingin namsau khat a baih sa-in om hi.

Ezekiel 32:18

“Mihing ahi Ezekiel aw, Egypt mi tampiteʼ hangin kapin thum in. Misiteʼ omna Leinuai gamah a vanglian minam dangte tawh amaute paisak in. Amaute kiangah hih bangin ci in:

Ezekiel 31:18

“Tua singkung pen Egypt kumpipa Faro le ama mite ahi hi. Eden huan a singkungte nangawn tua zahin lianin hoih zo lo hi. Ahi zongin, Eden huan a singkungte mah bangin, Pasianʼ thu a ngaihsun lo, gal sung a a siteʼ omna a zuan dingin, misiteʼ omna Leinuai a manawh ta ahi hi. Topa Pasian in hih thu ka gen khin hi,” hong ci hi.

Ezekiel 26:20

Tanglai-a a si sa mite tawh a teeng khawm dingin misiteʼ khua Leinuai ah kong puak ding hi. Siatna a thuak tawntung leinuai-a omte lakah kong koih dinga, a si sate tawh na om ding hi. A hingte lakah a omkik dingin tua lai panin nong kilehkik nawn kei ding hi.

Jeremiah 51:53

Babylon khua vantungah kah to thei a, a sangpi ah kip takin galdalna a bawl thei ahi zongin, Topa in kong cih in ah, keiʼ kiang panin amah a suan khia ding mi a hong pai teitei ding hi.

Isaiah 5:14

Tua ahih ciangin Leinuai in a duhna khangsakin bangmah tawh a kiteh thei lo zahin a kam ka beba a, Jerusalemʼ hoihna teng, a mipite, a mihonte, ama sunga a lungdam mite, a nawmvalh hi.

Thu-hilhkikna 1:28

Koi lai ah pai to ding ihi hiam? I sanggamte in i lungsim hong siasak khin uh a, “A mite ei sangin lian zaw-in sang zaw uh hi. A khuapite lianin van banin ki-um hi. Tua tham loin Anak mite tua munah ka mu uh hi,” hong ci uh hi,’ na ci uh hi.

Piancilna 11:4

Tua ciangin amaute in, “Hong pai un, leitung buppi ah eite i kithehthang gawp loh nadingin ei adingin khuapi khat bawlin, a dawn in vantung a ban ding tausang khat lamin, eiteʼ minthan nading khat bawl ni,” ci uh hi.

Luka 16:23

Ahi zongin hell khuk sungah gimna thuakin a om hi. A khuadak leh, gamlapi mun khat ah Abraham le Lazaras a om khawm a gal muh hi.