Luka 10:12 - Tedim Bible Revision 2017

¹² Keʼn kong cih in ah, Thukhen Ni ciangin Sodom khua miteʼ thuak ding sangin tua khua miteʼ thuak ding haksa zaw lai ding hi,” a ci hi.

Tedim Bible

¹² Ke’n kong cih-inah, tua Ni ciangin tua khua in Sodom khua sangin gimna a thuak zaw ding hi.”

Luka 10:12 Referans Kwoze

Mattiu 10:15

Thukhen ni ciangin tua khua miteʼ thuakna sangin Sodom khua le Gomorrah khua miteʼ thuakna ol zaw lai ding ahihna thu hoihtakin phawk un.

Mattiu 11:24

Tua ahih manin thukhen ni ciangin noteʼ thuakna sangin Sodom khua miteʼ thuakna baih zaw lai ding ahihna thu phawk ta un,” a ci hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Kah la 4:6

Jerusalemʼ mawhna Sodom khuapiʼ mawhna sangin lian zaw ahih manin, thakhatin Pasianʼ khut sung pan kisiatna a ngah uh hi.

Piancilna 19:24

Tua ciangin Topa in vantung panin Sodom le Gomorrah khuate tungah kaat le meikuang zusak hi.