Luka 10:11 - Tedim Bible Revision 2017

¹¹ ‘Na khua sung uh a leivui, ka khe tung uh ah a hong baangte nangawn, note hilhkholhna in ka nul khia uh hi. Ahi zongin Pasianʼ Uk nading hun a hong naina thu thei ta un,’ ci-in gen un.

Tedim Bible

¹¹ ‘Ka khepeek uh ah hong belh no khua leivui nangawn note langkhat ah ka nulkhia uh hi. Ahih hangin Pasian’ Gam hong nai zo hi ci-in na thei ta un,’ ci-in na gen un.

Luka 10:11 Referans Kwoze

Sawltak 13:51

Sawltakte in zong a khe uh a leivui baangte sinkhiat sanin Ikonium khua ah a pai uh hi.

Luka 10:9

tua khua sunga cinate damsak un. A khua mite kiangah, ‘Pasianʼ Uk nading hun note adingin hong nai ta hi,’ ci-in gen un.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Sawltak 13:40

Tua ahih manin kamsangte in, ‘Pasian a thusim lo mite aw, lamdang sa lua-in na si ding uh hi. Na nuntak sungun note lakah ka sepkhiat ding uh thu pen mi khatpeuh in hong gen hileh na up het loh ding uh thu ahi hi,’ ci-in a gen uh thute, note tungah hong pian khak loh nadingin kidawm un,” a ci hi.

Sawltak 13:26

“Abrahamʼ suan ka behte le Pasian a bia Gentail mi khempeuh aw, hih hotkhiatna thu pen eite adingin Pasian in a hong puak ahi hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Mattiu 10:14

Inn khat peuhpeuh in ahi a, khua khat peuhpeuh in ahi zongin note hong tunsak nop kei a, na thugen uh hong ngaih nop kei leh tua lai panin paikhia unla, na khe uh a leivui baangte sinkhiat un.

ROM (Romans) 10:21

Tua ciangin Israel mite tawh kisai-in, “Ka thu a mang lo, kei hong langpang mite tawh ka kilemkik theih nadingin a tawntungin ka hanciam hi,” ci-in a na gen hi.

ROM (Romans) 10:8

Tua bang a cih ciangin, “Pasianʼ thu pen nai mahmah in note kam sung le na lungsim sung uh ah om hi,” a cihnopna ahi hi. Tua Pasianʼ thu pen koteʼ hilhhilh, “Pasian um un,” cihna thu ahi hi.

Ezekiel 2:5

Amaute in nangma thu hong mang a, hong mang kei zongin, amaute lakah kamsang khat a om khit lamtak thei ding uh hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Mattiu 10:7

Na paina peuh uh ah, ‘Vantung ki-ukna hong nai ta hi,’ ci-in thu va hilh un.

Luka 9:5

A inn uh ah a hong tunsak nop lohna khua peuhpeuh panin na paikhiat uh ciangin amaute hilhkholhna in na khe uh a leivui baangte sinsan un,” ci-in a vaikhak hi.

Luka 10:10

Ahi zongin khua khat peuhpeuh ah na lut uh ciangin note hong tunsak nop kei leh a khua sung kongzing ah pai unla,