Luka 10:1 - Tedim Bible Revision 2017

¹ Tua khit ciangin Jesu in ama pai nading khua le mun khempeuh ah nih nihin a na pai dingin mi sawm sagih seh a, ama mai ah a ma paisak hi.

Tedim Bible

¹ Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.

Luka 10:1 Referans Kwoze

Luka 9:52

Jesu adingin a kisam khempeuh a vaihawmsak dingin Samaria khua khat ah a lut uh hi.

Gamlak-vakna 11:16

Topa in Moses kiangah, “Miteʼ upa le ulian hi ci-in na theih, Israel upateʼ sung panin mi sawm sagih hong khopsakin, kikhopna buk ah amaute paipih inla, tua lai ah nang tawh ding khawmsak in.

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Luka 1:17

Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Ezekiel 8:11

Tua lai ah Israel minam makai sawm sagih na om a, tuateʼ lakah Shafanʼ tapa Jaazaniah zong na om hi. Amaute in paknamtui halna kuang khat ciat tawi uh a, paknamtui a kihalna khute van lamah kah to biaibuai hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh a dang na lamen lai ding ka hi uh hiam?” ci-in a dong dingin a sawl hi.