Luka 1:8 - Tedim Bible Revision 2017

⁸ Ni khat, ama pawlteʼ sep hun ding a tun ciangin Zekhariah in Pasianʼ mai ah siampi nasep a sem hi.

Tedim Bible

^8-9 Zekhariah in ama pawlte tawh a ban ban Pasian mai-ah siampi na a sep hun tung a; siampite za ngeina bangin biakna innpi sungah lutin, paknamtui mei tawh hal nading thu a ngah hi.

Luka 1:8 Referans Kwoze

2 KHANG TANGTHU NIHNATE 8:14

A pa Davidʼ biakna ngeina kip tawh kizui-in, nasep nadingin siampite a pawlpawlin a kikhennate le nisim nasepna ah a kisam bangin siampiteʼ mai ah Levi mite phatna la sak panmunte le kongpi tampite-aʼ dingin kongcingte amauʼ pawl kikhenna ciatah amah in seh hi; bang hang hiam cih leh tua bangin Pasianʼ mipa David in thupia hi.

1 KHANG TANGTHU MASATE 24:19

Hihte in Israel Topa Pasian in amah a thupiak bangin a pupi uh Aaron in amaute-aʼ dingin a kipsak sa ngeina bangin Topaʼ biakinn sungah a pai dingin amauʼ nasep uh ahi a kiseh nasep nei uh hi.

2 KHANG TANGTHU NIHNATE 31:2

Tua ciangin Hezekiah in siampite le Levi mite amauʼ nasep ciat tawh kizui-in a khen a khenin seh a, siampite le Levi mite in meihal biaknate le thunuam a biakna te pia-in, Topaʼ biakinn sung phual tuamtuamte ah na semin lungdamkohna le phatna a bawl ding uh ahi hi.

Luka 1:5

Judea gam a hong uk sawn kumpi Herod hun laitakin siampi Abijahʼ pawlteʼ sung panin Zekhariah minnei siampi khat a om hi. A ziʼ min Elizabeth hi a, amah zong Aaronʼ suan ahih manin siampi nam mah ahi hi.

Ezra 6:18

Tua ciangin Moses laibu sungah a kigelh bangin Jerusalem-a Pasianʼ nasep nadingin siampite amauʼ panmun ngei ah pangsak uh a, Levi mite amauʼ nasepna ngei ah a semsakkik uh hi.

2 KHANG TANGTHU NIHNATE 31:19

Amauʼ khuapite-aʼ ahi taanggam lote ah a om Aaronʼ suan siampite ading ahihleh, a kiciamteh siampiteʼ lak le Levi mite lakah pasal khempeuh tungah amauʼ ngah ding ciat a hawm khia dingin a minin a kiseh mi, khuapi tampite sungah a om hi.

2 KHANG TANGTHU NIHNATE 11:14

Bang hang hiam cih leh Jeroboam le a tapate in Topaʼ siampi a sepna panun amaute hawl khia-in, mual dawna biakpiakna munte, dawi gilote le ama bawl sa bawng no milimte adingin ama siampi tuam teel ahih manin Levi mite in amauʼ taanggam le amauʼ neihsate nusia-in Judah le Jerusalem ah hong pai uh hi.

Gamlak-vakna 18:7

Nang le na tapate in biakna tau tawh kisai nate le dalna puan sunga om nate khempeuh ah na siampi nasep uh na sem ding uh hi. Na siampi nasep uh letsongin kong piak hi a, midangte in hong sep leh kithat ding hi,” a ci hi.

Paikhiatna 30:30

Amaute in keima tungah siampi na hong sep theih nadingun Aaron le a tapate nangmah in sathau nilhin amaute na siangthosak ding hi.

Paikhiatna 29:44

Keimah in kikhopna buk le biakna tau ka siangthosak dinga, keima siampi na a sem dingin Aaron le a tapate zong ka siangthosak ding hi.

Paikhiatna 29:9

kawnggakte tawh amaute gakin, amauʼ lu tungah a lukhute uh na gak ding hi. Siampi nasepna pen a kip tawntung ngeina ahih manin amau aʼ hi ding hi. Tua bangin Aaron le a tapate na kipsak ding hi.

Paikhiatna 29:1

“Amaute in keima tungah siampi na a sep theih nadingun amaute na sianthosak nadingin amauteʼ tungah na hih ding thute: Bawngtalno khat le a sitbaang lo tuutal nih,

Paikhiatna 28:41

Amaute in keima tungah siampi na a sep theih nadingun na sanggampa Aaron le a tapate na silhsak dinga, amaute sathau nilhin, nasem dingin kipsakin, na siangthosak ding hi.

Paikhiatna 28:1

“Tua ciangin keima tungah siampi na a sem dingin Israel mite lak panin na sanggampa Aaron le a tapate Nadab le Abihu, Eleazar le Ithamar, nangma kiangah la in.

1 KHANG TANGTHU MASATE 24:2

Ahih hangin a pa uh a sih ma-in Nadab le Abihu si-in ta nei lo uh ahih manin Eleazar le Ithamar-te siampi suak uh hi.

Luka 1:7

Ahi zongin Elizabeth ciing ahih manin amau nupa in ta nei lo uh a, a nih tuakun zong a teek ta uh ahi hi.