Luka 1:79 - Tedim Bible Revision 2017

⁷⁹ sih ding lauhuaina sungah a om mi khempeuh tungah vantung khuavak hong taangsak dinga, nopsakna lampi ah hong kha ding hi,” a ci hi.

Tedim Bible

⁷⁹ A tung panin ni suakin eite kiangah hong tang ding hi,” ci-in a gen hi.

Luka 1:79 Referans Kwoze

Isaiah 9:2

Khuamial sunga a pai mite in khuavak lianpi mu khinta a, khuamial thukna gam sungah a teeng mite tungah khuavak taang khinzo hi.

Mattiu 4:16

Khuamial sunga a teeng mite in khuavak lianpi mu ding uh hi. Sihna gam khuamial sungah a teeng mite tungah khuavak hong taang ding hi,” ci hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Efesa 5:8

Note pen khuamial sungah a omngei hi napi-in, Topaʼ mi na suah khit uh ciangin khuavak sungah a om hi ta na hih uh manin khuavak sungah a om mite bangin na gamta un.

Johan 12:46

Kei hong um mi khempeuh, khuamial sungah a om nawn loh nadingun leitung khuavak bangin ka hong pai hi.

Johan 8:12

Tua khit ciangin Jesu in mihonte kiangah a thugenna khat ah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Johan 9:5

Leitungah ka om lai teng kei pen leitung mite adingin khuavak ka hi hi,” ci-in a dawng hi.

Late 107:14

Amah in khuamial sung le a zing sung panin amaute la khia a, amau a kihennate a bot sat hi.

Late 107:10

Pawl khatte, khuamial sung, a zing sungah tu uh a, sikkol kibulhin gimna thuakin thong kia uh hi.

Isaiah 49:9

Thong kia mite tungah, ‘Hong paikhia un,’ ci-in, khuamial sunga om mite tungah, ‘Hong pusuak un,’ ka ci ding hi. Amaute pen lam tawntung ah an a ne, mual pawn a sang munte khempeuh ah nuam takin a gamta tuute tawh kibang ding uh hi.

Johan 1:9

Ama gen khuavak taktak pen zong leitungah hong tung khin a, mi khempeuh a taan khin hi.

Late 23:4

Topa aw, kei hong ompih na hih manin khuamial thukpi ka nawk hangin ka lau kei hi. Na molhtum le na ciangkhut in kei hong hu hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Jeremiah 2:6

Amaute in, ‘Egypt gam panin eite hong paikhiat pihin sehnel lak le dum lak, lei keu lak le a lauhuai khuamial bekbak lak, kuama pai ngei lohna mun, kuama ten lohna gamlak ah a hong makaih Topa koi ah om ahi hiam?’ ci beek lo uh hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Isaiah 42:16

“Amauʼ theih loh lampi ah mittawte ka paipih dinga, amauʼ theih ngei loh sul zuih pihin ka kha ding hi. Amauʼ mai ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

ROM (Romans) 3:17

Nopna a pian nadingin gamta ngei lo uh a,

Jeremiah 6:16

Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Isaiah 59:8

Noteʼ omna peuh ah kuamah lungmuang thei lo a, noteʼ sepna khempeuh ah thuman khat beek om lo hi. Na lungsim uh kawi mahmah a, hong zui kha mite in thunuam mu ngei lo uh hi.

Isaiah 48:22

Tua ahih ciangin migilote adingin nopna om lo hi, Topa in ci hi.

Late 25:12

Topa a zahtak mi kua ahi hiam? Ama lampi zuih ding Pasianʼ hilhna a ngah mi ahi hi.

Paunak 3:17

Pilna in nuntakna hong nuamsak a, lungmuang takin hong omsak den hi.

JOB (Job) 10:22

khuavak nangawn khuamial ahihna gam, khuamial gam, lungzinna gam, lungkhamna gam, a zuan ta ding ka hi hi,” a ci hi.

Isaiah 48:17

Israel-teʼ Siangtho Pa, nangmah hong hon Topa in: Phattuamna na ngah nadingin nang a hong hilh, na zuih ding a kilawm lampi ah a hong paipih Topa na Pasian ka hi hi.

Paunak 8:20

Thuman lampi ka zui a, thutang lampi ka tawn hi.

JOB (Job) 3:5

Khua niim, khua mial in khuhcip hen. Tua ni-in meiipi zing henla, tua ni awkin valh tum hen.

Sawltak 10:36

Mi khempeuhʼ Topa ahi Jesu Khris hangin a kingah Lungdamna Thu, Israel mite tungah Pasian in a puakna thu na thei uh hi.