Luka 1:75 - Tedim Bible Revision 2017

⁷⁵ i khang tawnin ama mai ah a siangtho, a thumanin i om tawntung theih nading thu hong ciam hi.

Tedim Bible

⁷⁵ Ama sila David’ suan lak panin, Eite adingin kii khat ahi alian hong Gumpa a piangsak zo hi.

Luka 1:75 Referans Kwoze

Efesa 4:24

A thutang a siangtho ahihna thu, nuntakna mahmah panin a kilangsak, Pasianʼ pianzia tawh kibangin a kibawl na ngeina thak uh bangin na nungta un.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

2 TIMOTI NIHNA 1:9

Eiteʼ sep zawhna hang hi loin ama ngimna sa bang leh a dikna hangin Pasian in eite hong hon khia-in ama mi dingin a hong sam hi. Pasian in leitung a pianmapekin Khris Jesu tungtawnin tua dikna a hong piak hi a,

Efesa 1:4

Ama mai ah eite pen paubaanna a nei lo, mi siangthote ahi ding le Khris hangin ama mite ahi dingin leitung a pian mapek nangawnin Pasian in a hong teel sa ihi hi.

1 THESALONIKA MASA 4:7

Eite a thanghuai gamtat dingin Pasian in a hong sam hi lo a, a siangtho-in a nungta dingin a hong sam ahi hi.

2 THESALONIKA NIHNA 2:13

Ahi zongin sanggamte aw, Topa in note hong it a, Kha Siangtho vangliatna hang le note in thuman na upna uh hangin ama mi siangthote na suah nadingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Zekhariah 8:19

amah in, “Kha lina, kha ngana, kha sagihna le kha sawmna sunga antannate pen, Judah gam mite adingin lungdamin kipakin pawi bawlna hun suakta ding hi. Tua ahih manin thuman le kilemna deih pha un,” hong ci hi.

Luka 1:74

i galte kiang panin eite hong hotkhiat nading le launa om loin amah bia-in,