Luka 1:72 - Tedim Bible Revision 2017

⁷² I pu i pate a hehpih nading le ama thuciam siangtho hong mangngilh loh nading, amah in hong gen hi.

Tedim Bible

⁷² A siangtho ama kamciamsa thu a ngaihsut nading ahi zongin, i pu i pate tungah hehpihna thupha hong bawl nading ahi zongin,

Luka 1:72 Referans Kwoze

Late 106:45

Amaute ading a ngaihsutna-in ama thuciamna phawk a, ama itna kip tawh kizui-in a kolsak hi.

Micah 7:20

Ka pu ka pate uh tungah na ciam sa bangin, Abrahamʼ suanlekhakte ahi nangma mite tungah na cihtakna le nong itna kip nong lak ding hi.

Siampi Laibu 26:42

keimah in Jakob tawh ka thuciamna, Isaac tawh ka thuciamna le Abraham tawh ka thuciamna ka phawk dinga, leitang zong ka phawk ding hi.

ROM (Romans) 11:28

Jew mite in Lungdamna Thu um loin Pasianʼ gal ahihna pen no Gentail miteʼ hamphat nading hi a, ahi zongin Pasianʼ teelna tawh kisai-in a pupite uh tungah a thuciamna huhau-in Pasianʼ pawlte mah hi lai veve uh hi.

Ezekiel 16:60

Ahi zongin na neu lai-a nang tawh i thuciamna len kipin, a kimang tawntung ding thuciamna nang tawh ka bawl ding hi.

Piancilna 28:14

Na suanlekhakte leilak leivui zah pha dinga, nitumna lam le nisuahna lam, leilu lam le leitaw lamah na kizelthang ding uh hi. Nang le na suanlekhakte thupha kong piak bangin leitung minam khempeuh in thupha a ngah nadingun hong ngen ding uh hi.

Piancilna 26:4

Na suanlekhakte van a aksi bangin tampi ka phasak dinga, na suanlekhakte tungah hih leitang khempeuh ka pia ding hi. Na suanlekhakte thupha ka piak bangin leitung minam khempeuh in thupha a ngah nadingun hong ngen ding uh hi.

Ezekiel 16:8

“Nang kong muh khakkik ciangin pasal nei thei ding hun na hi ta hi. Na pum guakin a om kimlai, ka puan tawh kong khuh a, na zumhuaina teng hong seelsakin, teenpih dingin kam kong ciam hi. Kong kamciamna tangtungsakin nang pen keima-aʼ nong suak hi, Topa Pasian in ci hi.

Late 111:5

Amah in amah a zahtakte an pia a, a thuciamna a phawk tawntung hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eiteʼ Pasianʼ gualzawhna mu khinta uh hi.

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Piancilna 12:3

Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Late 105:42

Bang hang hiam cih leh a siangtho ama thuciamna le ama nasem Abraham a phawk hi.

ROM (Romans) 9:4

Amaute pen Pasianʼ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biak theihna nei-in thuciamna a ngahte,

1 KHANG TANGTHU MASATE 16:16

Abraham tawh a thuciamna, Isaac tungah a khapna,