Luka 1:70 - Tedim Bible Revision 2017

⁷⁰ Amah in tanglai-in a kamsang mi siangthote tungtawnin thu hong gen a,

Tedim Bible

⁷⁰ Eite in i galte’ khut sung pan i kikhahkhiat khit ciangin, Ama mai-ah i khan’ tawntung sian’thona leh thumanna in,

Luka 1:70 Referans Kwoze

2 PETER NIHNA 1:21

Bang hang hiam cih leh mihingte in a deih manin mailam thugen kholh theihna a kingah hi lo a, Kha Siangthoʼ sawlna tawh Pasianʼ kiang panin a hong pai thute a kigen ahi zaw hi.

ROM (Romans) 1:2

Pasian in kamsangte tungtawnin hih Lungdamna Thu a gen sa hi a, Lai Siangtho sungah a om sa thu ahi hi.

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mit sicip uh hi. Tua bang hi kei le-uh, a mit un khua mu dinga, a bil un khua za dinga, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

1 PETER MASA 1:12

Vantung panin a hong kisawl Kha Siangthoʼ vangliatna tawh thu a gen thupuakteʼ tung panin na zak uh Thute mah kamsangte in a gen laitakun, tua a thugente uh amaute ading hi loin note ading ahihna thu, Pasian in tua kamsangte tungah a na gen zo hi. Vantung mite nangawn in hih thute a theih tel nop khat uh ahi hi.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Marka 12:36

Kha Siangthoʼ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai ah ka koih matengin, ka tak lamah na tu in,’ ci hi.

Jeremiah 30:10

“Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

2 SAMUEL NIHNA 23:2

“Topaʼ kha in kei tungtawnin thu hong gen a, ka kam sungah ama thugente om hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Piancilna 12:3

Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Hebru 3:7

Tua ahih ciangin Lai Siangtho sungah, “Tu ni-in Pasianʼ aw na zak uh leh

2 PETER NIHNA 3:2

Tanglai pek a kamsang siangthoteʼ thugen kholhte le note lakah sawltak na a semte in Topa le Honpaʼ thupiakte a hong gen sawn uh thute na phawkkik ding uh ka deih hi.