Luka 1:68 - Tedim Bible Revision 2017

⁶⁸ “Israel miteʼ Topa Pasian phat ciat ni. A mite a huh dingin hong pai-in amaute a suaktasak hi.

Tedim Bible

⁶⁸ “Israel mipawl’ Topa Pasian in thupha ngah ta hen.

Luka 1:68 Referans Kwoze

Late 106:48

Topa, Israel Pasian in a tawntung a kipan a tawntung dongin thupha ngah tahen. Mi khempeuh in, “Amen,” ci ta uh hen. Topa phat un.

Luka 7:16

Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Late 41:13

Israel Pasian, Topa in khang tawntungin thupha ngah tahen. Amen, Amen!

Late 111:9

Amah in ama mite hon khia a, a tawntung a kimang dingin thupiakna a bawl khin hi. Ama min siangtho-in vanglian mahmah hi.

Paikhiatna 4:31

Mite in um uh hi. Israel mite kiangah Topa hawhin, amauʼ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

1 KUMPI MASATE 1:48

Kumpipa in zong, ‘Keima mit-a ka muhin keima suanlekhakte khat ka kumpi tokhom tungah a tu dingin tu ni-in a pia Topa, Israel Pasian in thupha ngah tahen,’ ci hi,” a ci hi.

Efesa 1:3

Khris tawh eite i kipawlna hangin vantung gam panin kha tawh kisai letsong namkim hong pia ahih manin eiteʼ Topa Jesu Khrisʼ Pa ahi Pasian tungah i lungdamna ko ciat ni.

Luka 2:38

Tua bangin Jesu a ki-ap hun laitakin hih kamsangnu hong pai-in Pasian tungah lungdamna ko a, Jerusalem a suahtak nading lamenin a ngak mi khempeuh tungah hih naungekʼ thu a gen hi.

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

1 KHANG TANGTHU MASATE 29:10

Tua ahih ciangin a kikhawmte khempeuhʼ omna ah David in Topa phat hi. David in, “Nang, Topa, ka pu uh Israel Pasian aw, a tawntungin thupha ngah ta in.

Piancilna 14:20

Na galte na khut sungah a hong pia Sangpen Pasian in thupha ngah hen,” a ci hi. Abram in na khempeuh sawm-ah-khat ama tungah a pia hi.

Piancilna 9:26

Topa ka Pasian in Shem thupha pia henla, Kanaan, ama sila hisak hen.

Luka 19:44

Nang le na kulh sunga om mi khempeuh hong sumai ding uh a, a omna ngei munah suang khat zong om nawn lo ding hi. Hih bang a pianna pen nang a hu dingin Pasian hong pai lam na phawk lohna hang ahi hi,” a ci hi.

Piancilna 24:27

“Ka topaʼ tungah a itna kip le a thumanna a pelh lo, ka topa Abrahamʼ Pasian, Topa in thupha ngah tahen. Kei ka hih leh, ka topaʼ behteʼ inn zuatna lampi ah Topa in hong paipih hi,” a ci hi.

1 SAMUEL MASA 25:32

Tua ciangin David in Abigail kiangah, “Tu ni-in keimah a dawn dingin nang a hong sawl Israel-teʼ Pasian, Topa in thupha ngah tahen!

1 KUMPI MASATE 8:15

Tua ciangin amah in, “‘Egypt panin ka mi Israel-te ka paikhiatpih a kipanin keima min a om theih nadingin biakinn khat lam nading Israel minam khempeuh sungah khuapi khat zong ka teel kei hi. Ahih hangin ka mi Israel-te tungah a uk dingin David ka teel hi,’ ci-in ka pa David tungah a kam tawh a ciam sa a tungsak Israel Pasian, Topa in thupha ngah tahen.

Late 130:8

Mawhna a om khempeuh panin amah in Israel-te a hon khia ding hi.

Luka 1:71

i galte kiang panin hong hotkhiat nading le hong mudahteʼ khut sung panin hong hotkhiat nading thu a hong ciam hi.

Luka 24:21

Amah pen Israel mite a hon khia ding pa hi, ci-in ka lamet uh ahi hi. Tua bang hi napi-in hih thu teng hong piang a, tu-in a thu pian zawh a ni thumna hi ta hi.

Hebru 9:12

Siangtho Pen Mun ah a tawntungin a kimang dingin khatvei bek Khris a va lut ciangin biakpiak nadingin keel sisan le bawng no sisante va keng loin ama sisan va keng a, eite adingin tawntung hotkhiatna a hong ngahsak hi.