Luka 1:59 - Tedim Bible Revision 2017

⁵⁹ Naungek nipikal khat a phak khit ciangin a vun a at dingin hong pai uh a, a naungekʼ min dingin zong a paʼ min mah ahi Zekhariah phuah ding a sawm uh hi.

Tedim Bible

⁵⁹ Ni giat ni khit ciangin, naungeek’ vun at dingin amaute hong pai uh a, a pa min zui-in Zekhariah a phuak nuam uh hi.

Luka 1:59 Referans Kwoze

Siampi Laibu 12:3

A ni giat ni-in a naungek vun dawn ki-at ding hi.

Piancilna 17:12

Noteʼ lak panin ni giat a pha pasal peuhmah a vun ki-at ding hi. Noteʼ khang tawntungin pasal peuhmah, noteʼ inn sunga suak hitaleh, noteʼ ta ahi lo, gamdang mi khatpeuh kiang panin na sum uh tawh na lei uh hitaleh

Filippi 3:5

Ka suah zawh a ni giat ni-in ka vun a ki-at hi. Kei pen Hebru minam citak ka hi a, Israel mite sung panin Benjaminʼ suante ka hi hi. Jew Thukham zuihna tawh kisai-in Farisi mi pawl ka hi a,

Luka 2:21

Naungek a vun a ki-at ni hun nipikal khat a cin khit ciangin, amah a kipaii ma-in a min dingin vantungmi in a piak sa ahi Jesu, a min dingin a phuak uh hi.

Sawltak 7:8

Tua ciangin Pasian in Abraham tungah kiciamna limin vun-atna ngeina na pia hi. Tua ahih manin Abraham in a tapa Isaac a suah zawh nipikal khat khit ciangin a vun at a, Isaac in a tapa Jakobʼ vun at leuleu a, Jakob in eiteʼ pupite ahi a tapa sawm le nihteʼ vun na at leuleu hi.