Luka 1:52 - Tedim Bible Revision 2017

⁵² Kumpi vangliante, a tokhom panun khia suk a, mi neute, mi lianin a bawl hi.

Tedim Bible

⁵² Amah in kumpite a kumpi tokhom tung pan kiasak a, mizawngte khangtosak zo hi.

Luka 1:52 Referans Kwoze

Ezekiel 17:24

Tua ciangin singkung sangte phukin, singkung neute a liansak pa, singkung hingte keusakin, singkung keute a hingkiksak Topa ka hihna thu gam sunga om singkung khempeuh in hong thei ding uh hi. Topa ahi keimah in hih thu ka gen khin a, hih dingin ka gen bangin ka gamta ding hi,” a hong ci hi.

Jeim 4:10

Topa mai ah kiniamkhiat un. Tua hileh amah in hong lian bawl ding hi.

Luka 18:14

Keʼn kong cih in ah, hih mipa pen Pasian tawh a kilem sa-in a inn ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiat suk dinga, a kiniamkhiatte pen a lianin kibawl ding hi,” a ci hi.

Thuhilh-sia 4:14

Mi khat pen thong panin suakta-in kumpi suak thei a, zawng napi-in ama gam sungah kumpi suak thei hi.

1 SAMUEL MASA 2:4

A thahatteʼ thalte kitan a, ahih hangin a thaneemte in thahatna ngah uh hi.

Amos 9:11

Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Marka 6:3

Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.