Luka 1:46 - Tedim Bible Revision 2017

⁴⁶ Tua ciangin Mary in, “Ka lungsim in Topa phat a,

Tedim Bible

⁴⁶ Mari in zong, “Keima lungsim in Topa a pahtawi hi.

Luka 1:46 Referans Kwoze

Late 35:9

Tua ciangin Topa tungah ka lungdam mahmah dinga, ama hotkhiatna ah nuamin ka diang ding hi.

Isaiah 61:10

Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

1 KORIN MASA 1:31

Tua ahih ciangin Lai Siangtho sungah, “A kisathei mite, Topaʼ hang bekin kisathei tahen,” ci-in na kigelh hi.

Filippi 4:4

Topa sungah lungdam tawntung un, ka hong cih sa bangin tu-in zong lungdam un, ka hong cikik hi.

ROM (Romans) 5:11

Tua teng bek hi lo lai a, Pasian tawh hong kilemsak i Topa Jesu Khris hangin Pasian tungah i nuam mahmah hi.

Isaiah 45:25

Israel suanlekhakte khempeuh, Topa’ hangin gualzo-in a kisial ding uh hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

2 KORIN NIHNA 2:14

Ahi zongin Pasian tungah lungdam mahmah nading thu a om hi. Khris tawh ka kipawlna hangun gualzawhna tawh Khris a paina khempeuh ah Pasian in kote hong zuisak hi. Mun khempeuh ah paknamtui a kizelh bangin Khris thutheihna a kizelsak dingin Pasian in kote hong zang hi.

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.