Luka 1:45 - Tedim Bible Revision 2017

⁴⁵ Topa in nang tungah a hong gen thute hong tung taktak ding hi, ci-a upna pen nang adingin a lungdamhuai mahmah ahi hi,” a ci hi.

Tedim Bible

⁴⁵ Thu-um numei in thupha a ngah ding hi. Bang hang hiam na cih leh, tua numei kiangah Topa’ thugente hong tangtung ding hi,” ci-in aw lian tawh a gen hi.

Luka 1:45 Referans Kwoze

Johan 20:29

Jesu in, “Kei na hong muh khit ciang bekin hong um pan na hi hiam? Kei hong mu lo napi-in hong umte adingin lungdamhuai mahmah zaw ding hi,” a ci hi.

Johan 11:40

Jesu in, “Na up nakleh Pasianʼ vangliatna na mu ding hi, ci-in hong gen khin hi lo ka hi hiam?” a ci hi.

Luka 1:20

Ahi zongin, a hong tung ding ka thugen a hun lai-in um lo na hih manin nangma tunga kong thugen a tun matengin pau thei loin na om ding hi,” a ci hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlak ah a paikhia uh hi. Amaute a paikhiat laitakin Jehoshafat dingin, “Judah gam le Jerusalem-a a teengte aw, ka thugen za un! Topa na Pasian uh um un; tua hileh note na kip ding uh hi. Ama kamsangte um un; tua hileh na maavang ding uh hi,” a ci hi.

Luka 1:44

Bang hang hiam cih leh nong hopihna awging ka zak phetin ka sunga naungek nuamin a diang hi.

Luka 1:48

Bang hang hiam cih leh a neu mahmah a nasem nu, keimah a hong phawk hi. Tu a kipanin a khangkhangin mi khempeuh in thupha ngah nu hong ci ding uh hi.

1 KUMPI MASATE 17:16

Elijahʼ tungtawnin Topaʼ thugen bangin beel sunga annel bei lo a, um sunga sathau zong kiam ngei lo hi.

2 KUMPI NIHNATE 4:5

Tua ahih ciangin ama kiang panin tua numei pai khia-in amah le a tapate kong kikhaknelh uh hi. Amah in a sunʼ laitakin a tapate in ama kiangah a beelte paipih uh hi.