Luka 1:20 - Tedim Bible Revision 2017

²⁰ Ahi zongin, a hong tung ding ka thugen a hun lai-in um lo na hih manin nangma tunga kong thugen a tun matengin pau thei loin na om ding hi,” a ci hi.

Tedim Bible

²⁰ Nangmah in a hun a cin’ cianga a tung ding ka thu um lo na hih ciangin, hih thu a pian’ ni dongin pau thei loin na om ding hi,” a ci hi.

Luka 1:20 Referans Kwoze

Ezekiel 3:26

Na leii ka zawsak dinga, hih a lehdo thei mite na thuhilh thei kei ding hi.

Ezekiel 24:27

Tua ni ciangin nang na pau theikik dinga, amah tawh na kiho khawm thei ding hi. Tu-a bangin nang pen mite adingin lim khat na hi dinga, tua ciangin Topa ka hihna amaute in hong thei ding uh hi,” a hong ci hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

Hebru 6:18

Tua hi a, a kikheel thei lo thu nih kithuap ahih manin Pasian in zuaugen thei lo ding hi. Tua hi a, amah a beel eite in eite mai ah hong kikoih lametna thu kip takin i let cip nadingin i tha hong nuamsak hi.

Luka 1:22

Amah hong pusuah ciangin pau thei lo ahih manin, biakinn sungah maang mu hi, ci-in a thei uh hi. Pau thei lo ahih manin a khut tawh a lim a lak hi.

2 TIMOTI NIHNA 2:13

Amah le amah kikhem thei lo ahih manin eite i citak kei zongin amah citak veve ding hi,” ci-in a kigenna thu man mahmah hi.

Luka 1:45

Topa in nang tungah a hong gen thute hong tung taktak ding hi, ci-a upna pen nang adingin a lungdamhuai mahmah ahi hi,” a ci hi.

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Marka 9:19

Jesu in amaute kiangah, “Upna nei lo mite aw, note bang tanvei hong ompih dinga, bang tanvei hong kikholh pih ding ka hi hiam? A naupang hong paipih un,” a ci hi.

Isaiah 7:9

Efraimʼ lutang, Samaria hi a, Samariaʼ lutang, Remaliahʼ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

2 KUMPI NIHNATE 7:19

galkap ukpa in Pasianʼ mipa dawngin, “Topa mahmah in vantung tawlette hong hong hitaleh zong, hih bang thu hi thei ding ahi hiam?” ci hi. Tua ciangin amah in, “Nangma mit mahmah tawh hih thu na mu dinga, ahih hangin nang in na ne kha kei ding hi,” ci hi.

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasianʼ mipa kiangah, “Topa mahmah in vantung tawlette hong hong taleh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu dinga, ahih hangin nang in na ne kha kei ding hi,” a ci hi.

Gamlak-vakna 20:12

Ahi zongin Topa in Moses le Aaron kiangah, “Israel miteʼ mai ah kei hong um lo, hong siangthosak lo na hih uh ciangin amaute ka piak sa leitang ah hih mihonte na tunpih kei ding uh hi,” a ci hi.

Paikhiatna 4:11

Tua ciangin Topa in ama kiangah, “Kua in mipaʼ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hi lo ka hi hiam?

ROM (Romans) 3:3

Ahi zongin Jew mi pawl khatte in Pasianʼ thuciamna zui lo uh hi. Hih mi pawl khatteʼ thupalsatna hangin Pasian in a thuciamna maimangsak dingin ngaihsun na hi uh hiam?

Daniel 10:15

Amah in hih thu a hong gen ciangin kei bangmah pau thei loin lei ka en suk gega mawk hi.

Luka 1:19

vantungmi in dawng a, “Kei pen Pasianʼ na a sem Gabriel ka hi hi. Nang kiangah thu hong genin, hih lungdamna thu a ko dingin a hong sawl ka hi hi.

Luka 1:21

Tua hun sungteng, mihonte in Zekhariah na ngak uh a, biakinn sungah sau veipi a om manin lamdang a sa uh hi.

Luka 1:64

Tua laitakin Zekhariah hong pau theikik a, Pasian a phat hi.