Luka 1:17 - Tedim Bible Revision 2017

¹⁷ Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Tedim Bible

¹⁷ A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Luka 1:17 Referans Kwoze

Mattiu 11:14

Tua thu kigen sa na up nop uh leh, a kigenkhol bangin a hong pai ding Elijah a kici pen Tuiphumpa Johan ahi hi.

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Johan 3:28

Kei pen Khris ka hi kei a, ama mai ah a hong kisawl pa ka hi lel hi, ci-in ka genna thu note mahmah in na zak sa uh ahi hi.

1 KHANG TANGTHU MASATE 29:18

Ka pute uh Abraham, Isaac le Israel Pasian, Topa aw, na miteʼ lungsim sungah tua bang ngimnate le ngaihsutnate omsak tawntung inla, amauteʼ lungsim nangma lamah kai in.

Mangmuhna 20:4

Tua ciangin tokhom tungah a tu mi pawl khat ka mu a, tua mite tungah thukhen nading aana a kipia ahi hi. Jesu thu a genna le Pasian thu hangin a kithat miteʼ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uh ah ahi a, a khut tung uh ah ahi zongin ganhing ciaptehna nei lo uh hi. Amaute hong hingkik uh a, Khris tawh kum tul khat sung ukna aana a neikhawm uh hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Late 111:10

Topa zahtakna pen pilna kipatna ahi hi. Ama thupiak a zuite khempeuh tungah thukhen siamna a pia hi. Amah phat tawntung ding ahi hi.

2 TIMOTI NIHNA 2:21

Mi khatpeuh a hoih lo na khempeuh panin kikemin a siangtho takin a om nakleh na hoih nam khempeuh a sem dingin a Topa tungah ki-apin, a Topa tungah a manpha suak ahih manin a thupi diakte ah amah kizang ding hi.

Isaiah 29:24

Lungzingin a khial mite in thu thei tel ta ding uh a, a phunphun mite in thuhilhna ngai ta ding uh hi,” a ci hi.

ROM (Romans) 9:23

ama minthanna a lah theih nadingin ama minthanna a ngah dingin a hong seh sa eite tungah zong ama hehpihna a hong piak theih nading thu a nei hi.

Sawltak 10:33

Tua ahih manin nang kong samsak pah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasianʼ omna hih lai munah a om ka hi uh hi,” ci-in a dawng hi.

Johan 1:34

Tua ahih manin hih mipa pen Pasianʼ Tapa hi, ci-in thei ka hih manin teci ka pang hi,” a ci hi.

Johan 1:13

Tua bangin Pasianʼ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Luka 1:16

Amah in Israel mi tampi tak, amauʼ Topa Pasianʼ kiangah tunpihkik ding hi.

Amos 4:12

Tua ahih ciangin Israel mite aw, hih bangin note tungah kong bawl ding hi. Hih bangin hong hih ding ka hih manin Pasianʼ thukhenna a thuak dingin kiging un.

Late 10:17

Topa aw, lungnemteʼ deihna na ngai ding hi. A lungsim uh na hatsak dinga, na bil na ngat ding hi.

2 KHANG TANGTHU NIHNATE 29:36

Pasian in mite adingin a bawlsak thute hangin Hezekiah le mi khempeuh lungdam uh hi; bang hang hiam cih leh tua thu thakhatin hong piang vat hi.

1 KUMPI MASATE 21:20

Ahab in Elijah a muh ciangin, “Ka galpa aw, kei hong mu na hi hiam?” a ci hi. Amah in dawngin, “Topaʼ muhna ah a sia a gamta dingin nangmah kipiatawm na hih manin nang kong mu hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 JOHAN MASA 2:28

Ka itte aw, Khris hong kilatkik ciangin lungmuang takin i om theih nading le ama hong pai Ni ciangin i bukbuk loh nadingin amah tawh kip takin kipawl ni.

Mattiu 3:4

Johan in kalaoh mul kigan puan silhin, savun kawnggak tawh a kawng gak a, kauphe le gamlak khuaizu tawh a kivak hi.

2 KUMPI NIHNATE 1:16

tua ciangin ama kiangah, “Topa in hih bangin ci hi: ‘Nangmah in Ekron pasian, Baal-zebub kiangah thu a dong dingin kamtaite na sawl khin hi. Thudot nading Israel sungah Pasian om nawn lo ahi hiam? Tua ahih ciangin tu-a na liamna panin nang na damkik zo nawn kei dinga, na si taktak ding hi,’ ci hi,” a ci hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi. Nang in Topaʼ thupiaknate nusia-in Baal-te zui na hih manin nang le na paʼ innkuan in na lungkhamsak uh hi.

1 SAMUEL MASA 7:5

Tua ciangin Samuel in, “Israel-te khempeuh Mizpah ah khawm un. Note adingin Topaʼ tungah thu ka ngen ding hi,” a ci hi.

Mattiu 3:3

Kamsang Isaiah in, “Gam sungah mi khat kiko a, ‘Topaʼ pai nading lampi bawl unla, a tot ding lampi tangsak un,’ ci hi,” ci-in a gen ciangin hih Johanʼ thu a gen ahi hi.