Luka 1:16 - Tedim Bible Revision 2017

¹⁶ Amah in Israel mi tampi tak, amauʼ Topa Pasianʼ kiangah tunpihkik ding hi.

Tedim Bible

¹⁶ Israel mipawl tampi amau Topa Pasian kiangah a kiheisak kik ding hi.

Luka 1:16 Referans Kwoze

Mattiu 21:32

Bang hang hiam cih leh note kiangah Tuiphumpa Johan hong pai-in thuman lampi hong lak napi-in na um kei uh a, ahi zongin siahdongte le numei paktatte in a um uh hi. Hih thu na theih khit uh ciang nangawnin na lungsim uh na kheel nuam tuan kei uh a, na um kei veve uh hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Daniel 12:3

A pilte ahih uh leh vantung khuavak tawh a taang khawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Luka 3:3

Tua ahih ciangin Jordan Gun kiim gam khempeuh ah Johan pai kawikawi a, kamsang Isaiah in Lai Siangtho sungah a gelh mah bangin, “Na mawhna panun kisik unla tui kiphum un. Tua hileh Pasian in na mawhnate uh hong maisak ding hi,” ci-in thu a hilh hi.