Luka 1:15 - Tedim Bible Revision 2017

¹⁵ Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Tedim Bible

¹⁵ Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Luka 1:15 Referans Kwoze

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teel khia khinzo a, minam dangte tungah kamsang dingin kong koih khinzo hi,” hong ci hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin om zaw un.

Galati 1:15

Ahi zongin Pasian in a hong hehpihna tawh ka suah ma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilh theih nadingin kei tungah a Tapa hong kilatsak hun laitakin kuama kiangah thu dongin ka pai kei a,

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Luka 7:33

Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Joshua 4:14

Tua ni-in Israel-te khempeuhʼ muhna ah Topa in Joshua liansak hi. Amaute in Moses lamdang sa-in a om uh mah bangin Joshua a nuntak sung tawntung lamdang sa-in a om uh hi.

Luka 7:28

Johan pen leitung mihing sung khempeuh panin a lian pen ahi hi. Ahi zongin Pasianʼ Ukna sunga a om mi a neu pen i cihte nangawn Johan sangin lian zaw lai hi,” a ci hi.

1 KHANG TANGTHU MASATE 17:8

Na paina peuhpeuh ah nang tawh kong om khin a, na mai panin na galte khempeuh ka susia hi. Leitung mi liante khat min bangin nang adingin min khat kong bawlsak ding hi.

Joshua 3:7

Tua ciangin Topa in Joshua kiangah, “Moses tawh ka omkhop bangin nang tawh kong omkhop nading thu amaute in a theih nadingun Israel mite khempeuh muhna ah tu ni-in nang liatsak ding ka kipan ding hi.

Zekhariah 9:15

Vanglian Topa in ama mite hu dinga, ama mite in a galte uh susia ding hi. Galdona sungah zukham bangin awng gawp ding uh a, a galte uhʼ sisan luangsak gawp ding uh hi. Biakna site, biakna tau tungah hai a sun tawh kibangin a luangsak ding uh hi.

Late 22:9

Ahih hangin nang pen gil sung panin kei a hong suaksak pa na hi a, ka nuʼ ang sungah a muanhuai-in keimah na hong kem hi.

1 KHANG TANGTHU MASATE 29:12

Hauhna le minphatna nangma kiang pan hong pai a, nangmah in na khempeuh tungah na uk hi. Na khut sungah vangliatna le minthanna om a, liatsak nading le thakhauhsak nading na khut sungah om hi.

Piancilna 48:19

Ahih hangin a pa in nial a, “Ka thei hi, ka ta aw; ka thei hi. Amah zong mi khat suak dinga, amah zong lian ding hi. Ahi zongin amah sangin a naupa lian zaw dinga, a suanlekhakte, minam lianpi khat suak ding hi,” a ci hi.

Piancilna 12:2

Minam lian in kong bawl dinga, thupha hong pia-in, na min liansak ding ka hih manin midangteʼ adingin thupha na hi ding hi.

Johan 5:35

Johan pen meivak bangin kuangin a taang hi a, ama khuavak sungah tawl khat nuamsa-in om ding na ut uh hi.

Siampi Laibu 10:9

“Nang hitaleh na tapate hitaleh kikhopna buk ah na pai uh ciangin leenggahzu hitaleh khamtheih zu hitaleh ne kei un. Na nek uh leh na si ding uh hi. Tua pen na suan na khakte uh tungah khang tawntungin ngeina kip khat hi ding hi.

Jeremiah 35:6

Ahih hangin amaute in, “Kote in leenggahzu ka ne kei ding uh hi. Bang hang hiam cih leh Rekhabʼ tapa, ka pu uh Jonadab in thu hong pia a, ‘Note a kipan na ta na tute un leenggahzu na ne ngei peuhmah kei ding uh hi.

Luka 1:14

Amah hong suah ciangin nang na lungdam mahmah dinga, midang tampite in zong hong lungdam pih ding uh hi.