Luka 1:14 - Tedim Bible Revision 2017

¹⁴ Amah hong suah ciangin nang na lungdam mahmah dinga, midang tampite in zong hong lungdam pih ding uh hi.

Tedim Bible

¹⁴ Nangmah in zong lungdamna leh nuamna na ngah ding a, ama suahna hangin mi tampite zong a lungdam ding uh hi.

Luka 1:14 Referans Kwoze

Luka 1:58

Topa in amah a hehpih mahmahna thu a zak uh ciangin a veengte le a behte khempeuh in a lungdam pih uh hi.

Paunak 23:24

Ta hoih a nei pa a lung dam dinga, ta pil a nei pa a taʼ tungah lungkim ding hi.

Paunak 15:20

Ta pilte in a pa lungdamsak a, ta haite bek in a nu simmawh hi.

Piancilna 21:6

Sarah in, “Pasian in kei adingin nuamin nuihzak nading hong bawlsak khin hi. A za peuhmah in nuamin hong nuih pih ding uh hi,” a ci hi.

Paunak 23:15

Ka ta aw, mipil suak lecin ka lungdam mahmah ding hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong za khin a, na zi Elizabeth in tapa khat a nei ding hi. A min dingin Johan na phuak ding hi.

Luka 1:15

Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Jeremiah 20:15

Ka pa kiangah, “Tapa khat na nei hi,” ci-in va ko-in a lungdamsak pa in gimna thuak tahen.