Luka 1:13 - Tedim Bible Revision 2017

¹³ Ahi zongin vantungmi in ama kiangah, “Zekhariah aw, lau kei in. Pasian in na thungetna hong za khin a, na zi Elizabeth in tapa khat a nei ding hi. A min dingin Johan na phuak ding hi.

Tedim Bible

¹³ Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

Luka 1:13 Referans Kwoze

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

1 SAMUEL MASA 2:21

Tua ciangin Topa in Hannah thupha pia a, tua nu gai-in tanu nih le tapa thum a nei hi. Naupang Samuel ahihleh Topaʼ omna ah a khang hi.

Late 113:9

Amah in tasel numei tungah ta guan a, ta a nei nu a lungdamin a bawl hi. Topa phat un.

Piancilna 25:21

Isaac in Topaʼ tungah a zi adingin thu ngen hi. Bang hang hiam cih leh amah ciing hi. Topa in ama thungetna pia a, a zi Rebekah gai hi.

Luka 2:21

Naungek a vun a ki-at ni hun nipikal khat a cin khit ciangin, amah a kipaii ma-in a min dingin vantungmi in a piak sa ahi Jesu, a min dingin a phuak uh hi.

Late 118:21

Nangmah in kei hong dawngin, hong hon khia na hih manin nangma tungah ka lungdam hi.

Piancilna 18:14

Na khat peuhpeuh Topa adingin haksa lua ahi hiam? A kiseh sa tu zawh kha kua ciangin nang kiangah kong paikik dinga, Sarah in tapa khat nei ding hi,” a ci hi.

Mattiu 14:27

Jesu in amaute hopih pah a, “Na lungsim uh hangsak un. Keimah ka hi hi. Lau kei un,” a ci hi.

Piancilna 17:19

Pasian in, “Hi lo hi. Na zi Sarah in nang adingin tapa khat nei dinga, ama min Isaac na phuak ding hi. Ama khit cianga a suanlekhakte adingin tawntung thuciam nadingin ka thuciamna amah tawh ka kipsak ding hi.

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesu a zong na hih lam uh ka thei hi.

Daniel 10:12

Tua ciangin amah in, “Daniel aw, lau kei in. Kiniamkhiat dingin na lungsim na khensat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.

Thukhente 6:23

Ahih hangin Topa in ama kiangah, “Nopna na tungah hong om tahen; lau kei in, na si kei ding hi,” a ci hi.

Piancilna 17:10

Hih pen nang le nangʼ khit cianga na suanlekhakteʼ zuih ding keima thuciamna ahi hi: Noteʼ lak panin pasal peuhmah a vun ki-at ding hi.

Luka 1:30

Tua ciangin vantungmi in, “Mary aw, lamdang sa-in lunghimawh kei in. Pasianʼ maipha a ngah na hi hi.

Isaiah 8:3

Tua ciangin ka zi tawh ka lum khawm a, amah gai-in tapa khat hong nei hi. Tua ciangin Topa in ka tungah, “Ama min pen Maher-shalal-hash-baz, ci-in phuak in.

Hosea 1:6

Tua ciangin Gomer gaikikin tanu khat nei hi. Topa in zong Hosea kiangah, “Na tanuʼ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei dinga, a mawhna uh ka maisak het kei ding hi.

Hosea 1:4

Tua ciangin Topa in Hosea kiangah, “Na tapaʼ min dingin Jezreel phuak in; bang hang hiam cih leh ama pute Jehu in Jezreel khua ah a mi thahna hangin Israel kumpipa tungah gim ka pia baih dinga, Israel mite tungah Jehuʼ suanlekhakteʼ ukna ka beisak ding hi.

Marka 16:6

Tua tangvalpa in, “Lamdang sa kei un. Singlamteh tungah a kithat Nazareth khuami Jesu na zong uh hi. Amah kithokiksak khin a, hih lai ah om nawn lo hi. Amah a kisialna mun hong en un.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Luka 1:14

Amah hong suah ciangin nang na lungdam mahmah dinga, midang tampite in zong hong lungdam pih ding uh hi.