Late 99:5 - Tedim Bible Revision 2017

⁵ I Topa Pasian phat unla, ama khengakna munah bia un. Amah siangtho hi.

Tedim Bible

⁵ I Topa Pasian phat un; ama khe ngakna munah bia un! Amah siangtho hi!

Late 99:5 Referans Kwoze

Late 132:7

“Ama omna munah va pai ni; ama khengakna ah va bia ni,” ka ci uh hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Late 108:5

Pasian aw, vantungteʼ tungah sang to lai in. Leitung khempeuh ah na minthanna omsak in.

Late 34:3

Kei tawh Topa nak phat un, ama min pahtawi khawm ni!

Paikhiatna 15:2

Topa, kei a hong hupa hi a, keimah hong hon khia pa ahi hi. Amah, keima Pasian hi a, amah ka phat ding hi. Ka paʼ Pasian hi a, amah ka liansak ding hi.

Isaiah 25:1

Topa aw, nang pen keima Pasian na hi hi. Nangmah kong liansak dinga, nangma min ka phat ding hi. Bang hang hiam cih leh a lamdang nate na sem khin a, tanglai pek a na geelnate a kip a kho takpi ahi hi.

Isaiah 12:4

Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

Late 99:3

A lian a kihtakhuai ama min mi khempeuh in phat ta uh hen. Amah siangtho hi.

Late 118:28

Nang pen keima Pasian na hi a, nangma tungah lungdamna kong ko ding hi. Nang pen keima Pasian na hi a, nangmah kong phat ding hi.

Late 107:32

Amaute in mihon kikhopna sungah amah pahtawi-in, upateʼ kikhopna sungah amah phat ta uh hen.

Late 99:9

I Topa Pasian phat unla, ama mual siangtho ah bia un; bang hang hiam cih leh i Topa Pasian a siangtho hi.

Late 21:13

Topa aw, na hatna hangin nang hong kipahtawi tahen! Nangma vangliatna la sa-in kong phat ding uh hi.

Siampi Laibu 19:2

“Israel mihonte khempeuh kiangah hih bangin gen in: Note na siangtho ding uh hi; bang hang hiam cih leh Topa noteʼ Pasian keimah ka siangtho hi.

1 KHANG TANGTHU MASATE 28:2

Tua ciangin Kumpi David a khe-in ding to-in, “Ka sanggamte le ka mite aw, ka thugen hong za un. Topaʼ Thuciamna Singkuang ading le i Pasianʼ khengak nadingin tawlngakna biakinn khat lam ding ka lungsim sungah om a, a lam nading ka kiging hi.

Hosea 11:7

Ka mite in kei kiang panin pial ding ngaihsun tawntung uh a, a sangna lam ah a kiko khop uh hangin kihon khia lo ding hi.