Late 99:1 - Tedim Bible Revision 2017

¹ Topa in uk hi. Mihonte liing hen. Kherub-te tungah amah tu hi. Leitung liing tahen.

Tedim Bible

¹ Topa in uk hi; mihonte ling hen! Amah, Kherubte tungah tu hi; leitung liing ta hen!

Late 99:1 Referans Kwoze

Late 97:1

Topa in uk hi. Leitung lungdam henla, tuikulh neu tampite zong lungdam ta uh hen.

Paikhiatna 25:22

Hehpihna tokhom tung, thuciamna singkuang tunga om kherub nihte kikal panin nang kong hopih dinga, Israel mite adingin nangʼ tungah kong piak ding thute khempeuh nangʼ tungah kong gen ding hi.

Late 97:4

Ama khuaphialepte in leitung taangsak a, leitung in mu-in a liing hi.

Late 93:1

Topa in uk a, vangliatna kumpi puan kisilhsak hi. Topa, kumpi puan kisilhsak a, thahatna tawh amah kidim hi. Leitung kikipsak a, kiliing ngei lo ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

Late 80:1

Tuu hon bangin Josef a paipih, Israel Tuucingpa aw, ngai in! Kherub tungah a tupa aw,

Mangmuhna 11:17

“A beisa hun le tu hunah a om tawntung a Vanglian Topa Pasian aw, tu-in na vangliatna zangin uk ding hong kipan khin na hih manin nangma tungah ka nuamna uh kong ko uh hi.

Mangmuhna 6:14

Laidal a kizial bangin vanpi kizialin maimang a, mual le tuikulhte khempeuh a omna uh panin maimang ta hi.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Luka 19:27

Tu-in, kumpi dingin kei a hong deih lo ka galte pen hih lai ah hong paipih unla, keima muhna ah that un,’ ci hi,” a ci hi.

Luka 19:14

Ahi zongin ama gam mite in hih ulian pa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

Luka 19:12

“Khat vei, ulian khat om a, kumpi za a lak khit ciangin a ciahkik dingin gamlapi gamah a pai dingin a ding khia hi.

Jeremiah 50:46

A pukna uh gin ngaih lua ahih manin leitung a kiliing ding hi. A kahna aw uh gam khempeuh ah a kiza ding hi,” a hong ci hi.

Jeremiah 49:21

A pukna uh gin ngaih lua ahih manin leitung a kiliing ding hi. A kahna uh San Tuipi dongah kiza ding hi.

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Jeremiah 4:24

Mualte ka et leh kiliing damdam uh a, mual neute kileh kawikawi uh hi.

Isaiah 19:14

Topa in amauteʼ lungsim kitukalhsak khinzo hi. Zukham pa ama luak lakah a puk bangin Egypt gam miteʼ hihna khempeuh khialin hoi mang khin hi.

Late 96:10

Minam khempeuh lakah thu gen kawikawi unla, “Topa in uk hi. Leitung kikipsak a, kiliing ngei lo ding hi. Amah in mihingteʼ thu a manin khen ding hi,” ci un.

Late 18:10

Kherub khat tungah amah tuangin hong leeng a, huih khate tungah manlang takin hong leeng hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 82:5

Amaute in thutheihna ahi a, thutelna ahi zongin bangmah nei lo uh a, khuamial sungah gamta uh ahih manin leitung bulpite khempeuh a kiliing gawp hi.

2 SAMUEL NIHNA 6:2

Tua ciangin David in kherub-te tungah a tu, Vanglian Topaʼ min tawh a kisam Pasianʼ Thuciamna Singkuang tua mun panin a paipih to dingin amah tawh a om mi khempeuh tawh Baalejudah ah a pai hi.

1 KHANG TANGTHU MASATE 16:30

Leitung mi khempeuh aw, ama mai ah liing un; hi hi, leitung kip mahmah a, kilok ngei lo ding hi.

Late 80:2

Efraim, Benjamin le Manassehʼ mai ah taang khia in! Na tha saan inla, kote a hon khia dingin hong pai ta in.

Late 96:9

Puan siangtho silhin Topa bia un. Leitung mi khempeuh aw, ama mai ah liing un.

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng dinga, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi si sate uh phawk nading mual bawlna tawh ahi zongin ka min siangtho daisak ngei nawn lo ding uh hi.