Late 92:4 - Tedim Bible Revision 2017

⁴ Bang hang hiam cih leh Topa aw, nangma sepna tawh kei nong lungdamsak a, nangma sepnate hangin lungdamin la ka sa hi.

Tedim Bible

⁴ Bang hang hiam cih leh Topa aw, nangma nasepna tawh kei hong lungdamsak a, nangma nasepnate hangin lungdamin la ka sa hi.

Late 92:4 Referans Kwoze

2 KORIN NIHNA 2:14

Ahi zongin Pasian tungah lungdam mahmah nading thu a om hi. Khris tawh ka kipawlna hangun gualzawhna tawh Khris a paina khempeuh ah Pasian in kote hong zuisak hi. Mun khempeuh ah paknamtui a kizelh bangin Khris thutheihna a kizelsak dingin Pasian in kote hong zang hi.

Late 8:6

Na khut tawh na bawl sate khempeuh tungah ukna thu ama tungah na pia a, na khempeuh na uksak hi.

Luka 1:47

hong Hon Pasianʼ hangin ka nuam mahmah hi.

Late 126:3

Topa in eite adingin na lianpite bawl khinta a, eite i kipak hi.

Johan 16:22

Note zong tua mah tawh na kibang ding uh hi. Note zong tu-in na dah uh hangin note tawh kimukik ding ihih manin na lung uh dam mahmah dinga, tua na lungdamna uh kuamah in hong beisak thei lo ding hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Late 143:5

Hun luite ka phawk a, na sep sa khempeuh ka ngaih sunsun hi. Na khut in a sep sa nate ka lung ngaingai hi.

Jeremiah 31:7

Bang hang hiam cih leh Topa in kong cih in ah, “Jakob adingin lungdamna tawh ngaih takin la sa unla, gam khempeuh lakah gam lian pen adingin kiko-in awng un. ‘Topa in Israel mi a omlaite, ama mite hong hon khia khinzo hi,’ ci-in taangko unla phat un.

Late 104:31

Leitung a et ciangin tua leitung kiliingin, mualte a lawn ciangin tua mualte meikhu a suak, ama nasepna ah Topa lungdam henla, Topaʼ minthanna kip tawntung tahen.

Late 90:16

Na nasemte tungah na nasepna, a tate uh tungah na minthanna, na vang hong kilangsak in.

Late 64:10

Topaʼ nasepna hangin midikte lungdam ding uh a, amah a beel ding uh hi. Lungsim thutangte khempeuh in amah a phat ding uh hi.

Late 104:34

Topa in hong lungdamsak ahih manin ka lasaknate in zong amah lungdamsak tahen.

Late 33:2

Laiza khausai lasakna tawh Topa phat unla, harp zang sawm khausai lasakna tawh ama tungah la ngaih sa un.