Late 9:16 - Tedim Bible Revision 2017

¹⁶ Topa in thu hong khenin migilote amauʼ nasepna mahah awksakna tawh amah hong kilang hi.

Tedim Bible

¹⁶ Topa in thu hong khen-in, migilote amau khut nasepna mah-ah awksakna tawh amah hong kilang hi.

Late 9:16 Referans Kwoze

Paikhiatna 7:5

Keimah in Egypt tungah gimna tungsakin amauteʼ lak panin Israel mite ka paikhiatpih ciangin Egypt mite in Topa ka hihna hong thei ding uh hi,” a ci hi.

Isaiah 8:15

Mi tampi tak tuk ding uh hi. Amaute tukin kitamzan gawp ding uh a, amaute awkin kiman ding hi,” hong ci hi.

Paunak 12:13

Migilote in a zuaugenna uh awk pih a, thuman mite buaina tawh kipelh hi.

Thukhente 1:7

Tua ciangin Adonibezek in, “A khutpi le a khepi a ki-attan kumpi sawm sagihte in ka sabuai nuai ah an nengkia tawm ngei uh hi. Ka gamtatna sa bangin Pasian in kei hong thuk hi,” a ci hi. Tua ciangin amaute in Jerusalem ah amah paipih uh a, tua munah amah a si hi.

Paikhiatna 14:4

Keimah in Faroʼ lungsim khauhsakin, amah in Israel-te hong delh dinga, Faro le a mihonpite khempeuh ka zawhna hangin minthanna ka ngah ding hi. Kei, Topa ka hihna thu Egypt mite in thei ding uh hi,” a ci hi. Amaute zong tua bangmahin gamta uh hi.

Paunak 6:2

Na kampauna hangin nang hong kimanin, na thuciamna hangin na awk kha hiam?

Late 48:11

Zion Mual lungdamsak in. Na thukhenna hangin Judah mite lungdamsak in.

Late 19:14

Topa, ka belh suangpi le keimah hong tan khia pa aw, ka kammal le ka lungsim ngaihsutnate nangma muhna ah a sanhuai suaksak ta in!

Late 11:6

Amah in migilote tungah mei-am le kaat zusak dinga, amauʼ ngah ding gimna huih sa mahmah hi ding hi.

Late 5:1

Topa aw, kong paunate hong ngai inla, ka hong thumnate hong thudon in.

2 KUMPI NIHNATE 19:19

Tua ahih ciangin tu-in, Topa koteʼ Pasian aw, leitung kumpi gam khempeuh in nang, nang bek Pasian na hihna a theih nadingun ama khut sung panin kote hong hon khia in, kong thum hi, Topa aw,” a ci hi.

1 SAMUEL MASA 17:46

Tu ni-in Topa in ka khut sungah nang hong pia dinga, keimah in nang hong sattukin na lu ka tan khia ding hi. Tua ciangin tu ni-in huihlak vasate le leitung ganhingte tungah Filistia mi a siteʼ luanghawmte ka pia ding hi. Israel sungah Pasian khat a om lam leitung mi khempeuh in a theih nading,

Paikhiatna 14:31

Israel mite in Egypt miteʼ tungah Topaʼ bawl nasepna lianpi mu uh a, mite in Topa a zahtak uh hi. Amaute in Topa le ama nasem Moses a um uh hi.

Paikhiatna 14:10

Faro hong nai ciangin Israel mite khuadak to uh hi. En in, amauteʼ nungah Egypt mite hong kuan hi. Amaute lau mahmah uh hi. Topaʼ tungah Israel mite kiko uh hi.

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uh ah na puk ding uh a, note liamin, thang ah awkin, salin hong kipaipih ding hi.

Late 140:9

Kei hong umcih mite gualzosak kei inla, kei hong sawmnate uh amauʼ lu tung mah tusak in!

JOB (Job) 18:9

Thang ah a khetulin awk a, thangkhau in amah gakcip hi.

Late 7:16

Ama lunggulh hoih lo pen ama lu tungah tukik a, ama gamtat sia pen ama luzang mahah tukik hi.

Daniel 6:25

Tua ciangin Kumpi Darias in leitung a om minamkimte, minam tuamtuamte le pau nam tuamtuamte khempeuh tungah hih bangin lai a khak hi: “Note tungah nopsakna thupha om tahen.