Late 85:3 - Tedim Bible Revision 2017

³ Na hehna khempeuh na damsak a, na sinsona na daisak hi.

Tedim Bible

³ Na hehna khempeuh na damsak a, na sin so-na na daisak hi.

Late 85:3 Referans Kwoze

Late 106:23

Tua ahih ciangin amaute a suksiatna ding a hehna panin a hei khia dingin Pasianʼ mai ah ama teelpa Moses ding hikeileh amaute ka susia ding hi, amah in ci hi.

Thu-hilhkikna 13:17

Tu ni-a kong gen ama thupiaknate khempeuh zui-in Topa na Pasian uh mai ah a manin gamtatna tawh Topa na Pasian uhʼ aw na ngaih uh leh, na pu na pate uh tungah a ciam sa bangin, a kihtakhuai ama hehna panin Topa kihei-in note tungah migitna hong lakin, note tungah hehpihna hong nei-in, note tampi tak hong phaksak theih nadingin a ki-ap sa na khat beek zong note adingin na kem kei ding uh hi.

Jonah 3:9

Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 6:7

Amah in ka muk hong bi a, “En in, hih in na muk su kha zo hi; na mawhna bei ta a, na khialhna kimaisak zo hi,” hong ci hi.

Late 78:38

Ahi zongin amah in hehpihna lungsim nei ahih manin amauʼ khialhnate maisakin, amaute susia lo hi. Amah in a hehna ip zelzel a, a hehna khempeuh phong khia lo hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Paikhiatna 32:22

Aaron in, “Ka topa aw, heh lua kei in. Miteʼ lungsim na theih sa ahih mah bangin amaute in siatna ngaihsun uh hi.

Thu-hilhkikna 32:43

Topaʼ mite phat un, no minam dangte aw; bang hang hiam cih leh amah in a nasemteʼ phu la a, a langte thuk-in, ama miteʼ gam adingin kilemna a bawl hi,” a ci hi.

2 KHANG TANGTHU NIHNATE 6:39

na teenna vantung panin amauʼ thungetna le hong thumnate za inla, amauʼ vai huhin nang tungah hong khial na mite maisak in.

Isaiah 40:1

Ka mite hehnem un, hehnem un, na Pasian un ci hi.

Isaiah 40:2

Dam takin Jerusalem mite hopih un. Amauʼ gimna hun bei ta a, amauʼ mawhna kimaisakin, amauʼ khialhnate hangin Topa in a kicingin gim pia khinzo ta hi, ci-in amau tungah gen un.

Jeremiah 50:20

Tua ni hun ciangin, Topa in kong cih in ah, Israel gamah khialhna kizong dinga, a kimu kei ding hi. Judah gamah mawhna kizong dinga, a kimu tuan kei ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi.

Ezekiel 16:63

Na gamtatna sa khempeuh kong maisak khit ciangin na gamtatna sa khempeuh na phawkkik dinga, maizum lua-in cih nading mel thei loin na om ding hi, Topa Pasian in ci hi,” a hong ci hi.

Micah 7:19

Kote nong khasiatkik dinga, ka mawhnate uh hong sawp khiatsakin, tuipi taw ah nong paihsak ding hi.