Late 83:18 - Tedim Bible Revision 2017

¹⁸ Topa a kici min nei nangmah bek leitung khempeuh ah a Sangpen pa na hihna amaute theisak in.

Tedim Bible

¹⁸ Topa a kici min nei nangmah bek in leitung khempeuhah a Sang Penpa na hihna amaute thei sak in.

Late 83:18 Referans Kwoze

Paikhiatna 6:3

Abraham, Isaac le Jakob-teʼ tungah Vanglian Pasian-in ka kilang a, ahih hangin Topa ahi keima min tawh amauteʼ tungah kei ka kitheisak kei hi.

Late 59:13

hehna tawh amaute beisak in. Amaute khempeuh a beisiang dongin sumai in. Tua hileh Pasian in Israel-te tungah leimong dongin a uk khitna thu mi khempeuh in thei ding uh hi.

Ezekiel 38:23

Hih bangin hihna tawh a lian a siangtho ka hihna thu, keimah in minam khempeuh tungah ka langsak dinga, tua ciangin Topa ka hihna thu amaute in hong thei ding uh hi,” hong ci hi.

Late 97:9

Bang hang hiam cih leh Topa aw, leitung khempeuh a ukpa na hi a, pasian dang khempeuh sangin nakpi takin na lian zaw hi.

Jeremiah 16:21

“Tua ahih manin amaute ka hilh ding hi. Tu tung peuhmah in Topa ka hihna thu a hong theih nadingun ka vangliatna le ka hatna ka theisak ding hi,” ci-in Topa in a gen hi.

2 KUMPI NIHNATE 19:19

Tua ahih ciangin tu-in, Topa koteʼ Pasian aw, leitung kumpi gam khempeuh in nang, nang bek Pasian na hihna a theih nadingun ama khut sung panin kote hong hon khia in, kong thum hi, Topa aw,” a ci hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Ezekiel 30:19

Tu-a bangin Egypt tungah gim ka piak ciangin, Topa ka hihna thu amaute in hong thei ding uh hi,” hong ci hi.

Isaiah 42:8

“Kei pen Topa ka hi a, Topa pen keima min ahi hi. Pasian dangʼ tungah keima-aʼ tawh a kibang minthanna ka pia kei a, a kisui milimte zong keimah hong kiphatnate pawl ka ngahsak kei hi.

Micah 4:13

Topa in hih bangin ci hi: Jerusalem khua mite aw, kipan unla, na galte uh su gawp un. Sumngo khe le sik ki a nei bawngtal bangin note kong thahatsak ding hi. Minam tampite na su gawp zo ding uh a, amauʼ neihsa teng keima-aʼ na suaksak ding uh a, amauʼ hauhna teng leitung buppiʼ Topaʼ neihsa na suaksak ding uh hi.

1 KUMPI MASATE 18:37

Topa aw, nangmah Pasian na hihna le amauteʼ lungsim na heikikna thu hih mite in a theih nadingin hong dawng in, Topa aw, hong dawng in,” a ci hi.

Isaiah 54:5

Bang hang hiam cih leh nangmah hong Bawlpa pen nang adingin na pasal bang hi dinga, ama min pen Vanglian Topa ahi hi. Israel-teʼ Siangtho Pa pen nang hong hon khia pa hi a, amah pen leitung buppiʼ Pasian a kici hi.

Late 9:2

Nangma hangin nuamin ka diang dinga, na minphatna ka sa ding hi, Sangpen pa aw.

Late 9:16

Topa in thu hong khenin migilote amauʼ nasepna mahah awksakna tawh amah hong kilang hi.

Piancilna 22:14

Tua ahih ciangin Abraham in tua mun pen, “Topa in hong sik hi,” ci-in min phuak a, tu ni dongin Topaʼ mual tungah hong kisik hi, a kici hi.

Zekhariah 4:14

Tua ciangin amah in, “Leitung khempeuhʼ Topaʼ na a sem dingin Pasian in teelin sathau a nilh mi nihte a cihnopna ahi hi,” hong ci hi.

Daniel 4:25

Mite sung panin hong kihawl khia dinga, gamsate tawh na teeng khawm ding hi. Bawngtal bangin lopa na ne dinga, a pua lamah lumin, kum sagih sung na tungah daitui a hong kia ding hi. Tua ciangin a Lian Pasian in mihingteʼ kumpi gam uk a, a teel mi peuhpeuh kumpi suaksak thei hi, na ci ding hi.

Isaiah 5:16

Ahih hangin thutang sepna tawh Vanglian Topa in a liatna hong kilangsak a, a Siangtho Pasian in a mite a thukhenna tawh ama sianthona hong kilangsak hi.

Late 18:13

Topa zong vantungah awng a, Sangpen pa in gialpi le mei-am ahi ama aw hong gingsak hi.

Late 35:4

Kei hong sawmte maizumin mindaisak ta in! Keima siat nading a bawlte nungkiksakin sisak in!