Late 82:8 - Tedim Bible Revision 2017

⁸ Pasian aw, tho in; leitung mite thu khen in. Bang hang hiam cih leh minam khempeuh nangma aʼ ahi hi.

Tedim Bible

⁸ Pasian aw, tho in, leitung thu khen in; bang hang hiam cih leh minam khempeuh nangma’ aa ahi hi.

Late 82:8 Referans Kwoze

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Late 2:8

Keima tungah hong ngen in; nangma luah dingin minamte ka bawl dinga, leimong dongin na neihsa ka hisak ding hi.

Late 22:28

Bang hang hiam cih leh ukna pen Topa aʼ hi a, minamte tungah amah in a uk hi.

Late 102:13

Nangmah tho-in Zion khua na hehpih ding hi. Amah na angvan hun ding hi ta a, a kiciangtan sa hun hong tung khin hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Micah 7:7

Ahi zongin keʼn ka hih leh Topa mah ka en dinga, kei hong suaktasak Pasian ka ngak ding hi. Ka Pasian in ka thu hong ngai ding hi.

Late 44:26

Tho to in, kote a hong huh dingin hong pai in! Na itna kip hangin kote hong hon khia in!

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Isaiah 51:9

Khanglo in, khanglo in; thakhauh in, Topa aw. Khang sawtpi, hun lui lai-a bangin na vangliatna zangin hong huh in. Rahab a satzan gawp pa, gulpi a sun pa, nangmah hi lo na hi hiam?

Late 7:6

Tho in, Topa, a hehsa-in thasaan inla, ka galteʼ hehna panin kei hong dal in. Khanglo in, ka Pasian aw, thukhen nading hun khat na seh khinzo hi.

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Late 94:2

Tho in, leitung thukhen pa aw, a kiphasak mite tungah amauʼ ngah ding a kilawm gimna pia ta in.