Late 82:3 - Tedim Bible Revision 2017

³ A gina lo mite le pa a nei lo mite tungah thuman unla, a thuakte le a cimawhteʼ thu a manin khen un.

Tedim Bible

³ A ginalote leh pa nei lote tungah thuman un la, a thuakte leh a cimawhte’ thumanna kipsak un.

Late 82:3 Referans Kwoze

Late 10:18

Pa nei lote le netniamna a thuakte tungah nang na thutang a, leitung mite in launa tuak kha nawn lo ding uh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Jeremiah 22:16

Amah in mizawngte le mi cimawhte thuman tawh thu khen a, na khempeuh a hoih a suak pah hi. Tu-a banga hihna pen kei nong theihna uh hi lo ahi hiam, Topa in kong ci hi.

Jeremiah 22:3

Topa in a cih in ah, thumanin dik tat unla, a bawlsiateʼ khut sung panin bawlsiatna a thuak mite hon khia un. Minam dangte, pa nei lote le meigongte simmawh bawl kha loin amauʼ tungah ngongtat kei unla, hih munah zong mawhna nei lo mite that kei un.

Jeremiah 5:28

Gitlohna lamah a hun bek a theithei kei uh hi. Tagah miteʼ phattuam nading khual loin thu a man lopi-in khen uh a, mizawngteʼ tungah thuman lo uh hi.

Thu-hilhkikna 24:17

“Peemtaʼ thu ahi a, pa nei lo miʼ thu ahi zongin tuate ading thutang na heisak kei ding uh a, meigong numeiʼ puan zong khapna-in na laksak kei ding uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Isaiah 1:17

Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Thu-hilhkikna 10:18

Amah in pa nei lote le meigong numeite adingin thutang semin, peemtate itin an le puan a pia hi.

Paikhiatna 23:3

Ama thu neihna ah mizawng pa na langneih kei ding uh hi.

Paikhiatna 23:6

Ama thu neihna ah mizawng pa a thutang kimlai na lelsak kei ding uh hi.

JOB (Job) 29:12

Mizawng ka theih peuhmah ka huh tawntung a, cih nading thei lo tagahte zong ka huh hi.

JOB (Job) 31:21

“Zum thukhenna ah zo na ning cih ngaihsutna tawh tagah khatpeuh ka khem taak leh,

Paunak 31:9

Amau ading thu genin thu a tangin khen inla, a zawng a cimawh mite amau adingin a kilawm hamphatna ngahsak in.

Zekhariah 7:9

“Note in thu a tangin khenin, khatlekhat tungah itna le hehpihna kilakin,