Late 81:12 - Tedim Bible Revision 2017

¹² Tua ahih ciangin a ut bangun a gamta dingin amauʼ lungsim khauhna bangin ka gamtasak hi.

Tedim Bible

¹² Tua ahih ciangin amau ut banga gamta dingin amau lungsim khauhna bangin ka tasak hi.

Late 81:12 Referans Kwoze

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

ROM (Romans) 1:24

Mihingte tua zahta-in hai lua uh ahih manin amau ututin a gamtat theih nadingun Pasian in khah khong vet a, a zumhuai mahmah pi-in a gamta uh hi.

Isaiah 30:1

Topa in, “Keiʼ ngimna hi lopi-in thu vaihawmna a sem khia, keiʼ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faroʼ hutna sung a beel ding le Egyptʼ liahna a zong dingin Egypt gamah pai suk dingin a kuan khia, a lehdo mite in gimna ngah tahen.

Sawltak 7:42

Tua ahih manin kamsangte laibu sungah, ‘Israel mite aw, gamlak ah kum sawm li sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le noteʼ aksi pasian Refanʼ puanbuk ahi hi. Tuate pen na biak dingun noteʼ bawl tawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, van a om aksite a bia dingin amaute a sawl khia hi.

Sawltak 14:16

A beisa hun sungah Pasian in mi khempeuh amau ut bang ciatin hong gamtasak hi.

JOB (Job) 8:4

Na tate ama tungah khial a, amauʼ mawhnate amaute a tuaksak ahi hi.

Piancilna 6:3

Tua ciangin Topa in, “Mihingte sungah ka Kha om paisuak nawn lo ding hi. Bang hang hiam cih leh mihingte a mawh hi khinta a, kum za le kum sawm nih sung kisik nading hun kipia lai bek ding hi,” a ci hi.

Paikhiatna 11:9

Tua ciangin Topa in Moses kiangah, “Egypt tungah nalamdang tam ka bawl theih nadingin Faro in na thu hong ngai lo lai ding hi,” a ci hi.

Siampi Laibu 26:14

“Ahih hangin note in ka thu ngai loin, hih thupiaknate khempeuh na hih kei uh a,

1 SAMUEL MASA 8:19

Ahih hangin mite in Samuelʼ thu ngai nuam lo uh hi. Amaute in, “Hi lo! Koteʼ tungah kumpi khat ka nei ding uh hi.

2 KUMPI NIHNATE 18:12

Bang hang hiam cih leh amaute in Topa a Pasian uh thu mang lo uh a, ama thuciamna, Topaʼ nasem Mosesʼ thupiak khempeuh nangawn palsat uh hi. Amaute in thu ngai loin, thu zong mang lo uh hi.

Nehemiah 9:16

“‘Ahi zongin koteʼ pute pate kihisakin lungkhauh uh a, na thupiaknate mang lo uh hi.

Isaiah 30:9

Bang hang hiam cih leh amaute pen a lehdo mite, a zuau thei tapate, Topa’ thuhilhna a ngai nuam lo mite ahi uh hi.

Isaiah 42:24

Kua in a sut gawp pa tungah Jakob pia a, a luh gawpte tungah Israel pia ahi hiam? Topa mahmah in a piak hi lo ahi hiam? Ama tungah eite i khial hi. Ama hong deih bangin i nungta kei a, ama hong thuhilhnate i mang kei hi.

Jeremiah 42:21

Topa na Pasian un noteʼ kiangah gen dingin a hong sawl tu-in kong gen khinzo hi. Ahih hangin note in khat beek na mang kei uh hi.

Ezekiel 20:8

Ahi zongin amaute in kei hong demin, ka thugen hong ngai lo uh hi. A muhdahhuai a milimte uh paikhia tuan lo uh a, Egypt pasian-te zong nusia lo uh hi. Tua hi a, ka heh mahmahna teng Egypt gam sungah thuaksak gawp ning, ci-in ka ngaihsun hi.

Hosea 9:17

Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.