Late 8:2 - Tedim Bible Revision 2017

² naungekte le naupangteʼ kam tawh nangmah phatna la kisa hi. Gal na neih manin galte le langpangte na daihsakna dingin panmun kip na bawl khin hi.

Tedim Bible

² naungekte leh naupangte’ kam tawh kisa hi; gal na neih manin galte leh langpangte na daihsak nadingin panmun kip na bawl khin hi.

Late 8:2 Referans Kwoze

Mattiu 21:16

Jesu kiangah, “Hih naupangteʼ otna na za hiam?” ci-in a dong uh hi. Jesu in, “Ka za hi. Lai Siangtho sungah, ‘Naungekte le naupangteʼ kam tawh a cingtaak phatna na gensak hi,’ a cihna thu sim ngei lo na hi uh hiam?” ci-in a dawng hi.

Isaiah 40:31

Ahih hangin Topa a muang mite a tha uh dimkik dinga, muvanlai bangin kha tawh leeng to-in, amaute tai napi-un tawl lo ding uh a, amaute lam pai napi-un gim lo ding uh hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuh ah ka min hong kithangsak hi,” a ci hi.

1 KORIN MASA 1:27

Ahi zongin Pasian in mipilte a maizumsak nadingin mihaite hong teel a, mi thahatte a maizumsak nadingin mi thaneemte a hong teel hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Luka 10:21

Tua laitakin Kha Siangtho in lungdamna tawh Jesu kidimsak hi. Jesu in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Habakkuk 2:20

Topa, a biakinn siangtho sungah om hi; leitung mi khempeuh ama mai ah dai dide-in om ta uh hen.

Paikhiatna 15:16

Launa le kihtakna amauteʼ tungah tunga, a thahat na vangliatna hangin amaute suangtum bangin taang loin om uh hi. Topa aw, nangma mite in a khen mateng, na lei sa mite in a khen mateng amaute khikcip uh hi.

Amos 5:9

Amah in kulh muanhuaite le mun muanhuaite thakhatin susia thei hi.

Late 4:4

Lau-in liing unla, mawhna peel un. Na lupna tung uh ah lungngai phapha unla, om khikhe un.

1 SAMUEL MASA 2:9

“Amah in a thuman miteʼ kalsuanna limtakin cing a, ahih hangin migilote khua mialna sungah kikhia suk ding hi. Bang hang hiam cih leh thatang hatna tawh mi gualzo lo ding hi.

Paikhiatna 11:7

Ahih hangin Egypt mite le Israel mite a kilamdangin Topa in bawl hi, ci-in na theih nadingun Israel mite, mihing hitaleh ganhing hitaleh, ui khat nangawn zong tau lo ding hi, ci hi” a ci hi.

Late 57:6

Amaute in keima khe, thang hong siah uh a, lungkhamin hong koih uh hi. Ka pai nading munah gum khat to uh a, ahih hangin tua gum sungah amaute mah kia uh hi.

Late 148:13

Topaʼ min phat un. Bang hang hiam cih leh amah bek a min lian hi a, ama minthanna pen leitung le vantung sangin sang zaw lai hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.