Late 77:2 - Tedim Bible Revision 2017

² Ka lungkham hunin keimah in Topa ka zong hi. Zanin thu ngenin gim het loin ka khut ka zan a, ahi zongin hehnepna ka ngah kei hi.

Tedim Bible

² Ka lungkham hunin keimah in Topa zongin; zanin thungenin gim het loin ka khut ka zan a, ahi zongin hehnepna ka ngah kei hi.

Late 77:2 Referans Kwoze

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Piancilna 37:35

A tapate le a tanute khempeuh in amah hehnem uh a, ahih hangin amah hehnep zawhin om lo a, “Hi lo hi. A kap sa-in ka tapa kiang Leinuai ah ka pai ding hi,” a ci hi. Tua bangin ama hangin a pa kap hi.

Isaiah 26:9

Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung le a mite tungah thu na khen ciangin leitung a a teeng mite in thuman i cih bang hiam, cih a phawk ding uh hi.

Isaiah 26:16

Topa aw, ka cihmawh uh ciangin nang kong zong uh a, nangma hong taina pen kote nong gimpiakna ahi hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Hosea 5:13

Israel in ama cinatna kithei-in, Judah in ama liamna a kimuh ciangin kumpi lianpa kiangah huh ngen dingin Assiria gamah Israel va pai hi. Ahi zongin amah in amauʼ natna damsak thei lo a, a liamna uh zong na damsak thei tuan lo hi.

Jeremiah 31:15

Topa in kong cih in ah: “Ramah khua ah aw khat kiza a, tauna le kah ngutngutna awging ahi hi. Rachel, a tate adingin a kap hi. A tate om nawn lo ahih manin kinem zo lo hi,” a ci hi.

Johan 11:31

Amah hehnemin inn ah a ompih mite in Mary dingin a pai khiatna a muh uh ciangin, hanah a kap dingin a pai ding hi, ci-in ngaihsun uh ahih manin a zui uh hi.

Hosea 6:1

Amaute in, “Hong pai un, Topa kiangah ciahkik ni; amah in eite hong bal gawp hangin hong damsakkik dinga, eite hong liamsak hangin i liammate hong tunsakkik ding hi lo ahi hiam?

Paunak 18:14

Mihingteʼ lungsim in cinatna thuak zosak a, mihing lungsim kisia leh cih nading om nawn lo hi.

Late 86:7

Kei hong dawng na hih manin ka haksat hun ciangin nangma tungah kong ngen hi.

Late 18:6

Ka gimna ah Topa ka sam a, ka Pasianʼ tungah huhna ngenin ka kiko hi. Amah in a biakinnpi panin ka aw hong za a, amah ka kohna aw in ama bilte va ban to hi.

JOB (Job) 11:13

“Job aw, na lungsim a hoihin bawl inla, Pasianʼ lamah kihei in.

2 KHANG TANGTHU NIHNATE 6:28

“Gam sungah kialpi tungin, pulnatna ahi a, ankung natna ahi a, ankung zawngkhalna ahi a, kauphe ahi a, lung ahi zongin a om a, amauʼ khuapi khat peuhpeuh ah a galte un umcihin, bangbang gimna, bangbang natna hitaleh,

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

Late 55:17

Nitak, zingsang le sunin ka gimna leh ka thumnate ama tungah ka gen a, amah in keima thumna aw, hong za ding hi.