Late 71:3 - Tedim Bible Revision 2017

³ Hong hon dingin ka belh suangpi, ka kulh muanhuai, hong hi ta in; bang hang hiam cih leh keimah hong honpa le ka belh pa na hi hi.

Tedim Bible

³ Nangmah in hong hon dingin ka belh suangpi, ka kulh muan’huai hong hi ta in, bang hang hiam cih leh nangmah in keima suangpi leh ka kulhpi na hi hi.

Late 71:3 Referans Kwoze

Late 18:2

Topa pen keima suangpi, ka munkip muanhuai, kei a hong hon khia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Paunak 18:10

Topaʼ min pen tausang muanhuai tawh kibang a, thuman mite in belin lungmuangin om thei uh hi.

Late 91:9

Nangmah in Topa pen na buk nadingin bawlin, Sangpen pa, nang a hong hu dingin bawl khin na hih manin

Thu-hilhkikna 33:27

Tawntung Pasian pen nangma omna hi a, nangmah huh dingin tawntung khutte a om hi. Amah in na mai ah galte nawt khia-in, ‘Susia un,’ ci hi.

Late 44:4

Nang pen Jakob adingin gualzawhna a sehkhol, keima Kumpipa le keima Pasian na hi hi.

Late 42:8

Topa in sun tawntungin a itna kip hong lak a, zan hun ciangin nuntakna a hong pia Pasianʼ tungah thungetna la ka sa hi.

Isaiah 33:16

Tua hileh na tangtung ding uh a, kulh muanhuai mahmah sungah a om bangin lungnuam takin na om ding uh hi. Annek tui dawn na kitasam kei ding uh hi.

Late 68:28

Pasian aw, na vangliatna kilangsak in. Kote adingin a hong bawlsak Pasian aw, na thahatna hong lak in.

Ezekiel 9:6

Puteek, nungak, tangval, numei, naupang dong takin va that lum unla, ahi zongin a taltang ah ciaptehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sungah a ding Israel makaite, kipatna-in a nei pah uh hi.

Late 144:2

Amah pen ka suangpi le ka munkip muanhuai, ka kulhpi le hong hon khia pa, ka lum le ka belh pa, ka nuai ah mite a zopa ahi hi.

Late 90:1

Topa aw, khang tawntungin koteʼ omna mun na hi hi.

Late 18:3

A phat taak Topa ka sam a, ka galte kiang panin kei hong hon khia hi.

Late 89:27

Keimah in amah ta upa penin ka bawl dinga, leitung kumpite lakah a lian penin ka bawl ding hi.