Late 7:7 - Tedim Bible Revision 2017

⁷ Nangma omna kiimah mite kikhawmsak inla, amauteʼ omna tung a sangna munah tu in.

Tedim Bible

⁷ Mite nangma kim-ah kikhawmsak in la, amau tung a san’na munah tu in.

Late 7:7 Referans Kwoze

Mangmuhna 19:2

A thukhennate thumanin thutang a, a paktatna tawh leitung mi khempeuh a siasak, a paktat nu tungah thu khen khinta a, ama nasemte a thahsakna hangin ama tungah a phu la khinta hi,” a ci uh hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Late 138:6

Bang hang hiam cih leh Topa lian mahmah napi-in amah in a neute don a, a kiphasakte ahihleh amah in gamlapi panin mu thei veve hi.

Late 93:4

A sangna munah a om Topa vanglian hi. Tui tampi gingte sangin vanglian zaw a, tuipi hualte sangin vanglian zaw hi.

Late 48:11

Zion Mual lungdamsak in. Na thukhenna hangin Judah mite lungdamsak in.

Late 35:23

Ka Topa, ka Pasian aw, ka thu hong thei inla, kei adingin nangmah hong kisosuah tawm in!

Late 43:1

Pasian aw, ka dikna hong langsak inla, migilote tawh ka thu ah kei hong panpih in. Mi khemte le thutang lote kiang panin kei hong hon khia in.

Late 59:5

Nang, Vanglian Topa Pasian, Israelʼ Pasian na hi hi. Minam khempeuh gim a pia dingin tho inla, khemna tawh siat gamtat ding a sawmte kuamah siit kei in.