Late 7:10 - Tedim Bible Revision 2017

¹⁰ Pasian, kei hong hupa hi a, lungsim man mite a hon hi.

Tedim Bible

¹⁰ Pasian in kei hong hupa hi a, lungsim thutang mite a hon hi.

Late 7:10 Referans Kwoze

Paunak 28:18

Thumanin a gamta mite lungmuangin om ding uh a, a zuau tat mite ahihleh puk ding uh hi.

Late 125:4

Topa aw, a hoih mite tung le na thupiakna a zui mite tungah hehpihna hong nei in.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong pia pa ahi hi. Thumanin a gamta mite tungah Topa in na hoih bangmah siit lo hi.

Paunak 11:20

Topa in lungsim gilote mudah a, a manin a gamtate tungah a lungkim hi.

Piancilna 15:1

Hih thute khit ciangin mang sungah Topaʼ thu Abramʼ tungah hong tunga, “Abram aw, lau kei in. Keimah in lauhuaina panin nang ka hong hu dinga, na thaman lian mahmah ding hi,” a ci hi.

Paunak 2:21

Bang hang hiam cih leh mi thuman, miginate, hih i leitungah teengin om ding uh a,

Late 112:2

Ama suanlekhakte leitungah vanglian dinga, a lungsim thutang miteʼ suanlekhakte thupha kipia ding hi.

Late 89:18

Kote a hong hu Topa hi a, Israel-teʼ Siangtho Pasian nangmah in ka kumpipa uh nong pia hi.

Late 3:3

Ahih hangin Topa aw, nang pen ka kidalna lum, ka minthanna le ka lu hong phong pa na hi hi.

JOB (Job) 8:6

nang dikin thutang kisa mahmah na hih leh pel loin amah in nang hong en dinga, na thumanna tawh kizui-in thaman hong pia ding hi.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

2 KHANG TANGTHU NIHNATE 6:30

na teenna mun vantung panin za inla, maisakin, amauʼ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihingʼ lungsim na thei hi).

Jeremiah 11:20

Ahih hangin thu a mantakin khenin, mihingteʼ lungsim le a ngaihsutna uh a en tel a Vanglian Topa aw, amaute na thuhkikna kei hong musak in. Bang hang hiam cih leh nangma tungah ka thu kong ap khin hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.