Late 42:4 - Tedim Bible Revision 2017

⁴ Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

Tedim Bible

⁴ Ka lungsim sung ka suahkhia a, pawi bawl mi honkhat, kipak a otna leh nuamna la tawh Pasian’ innah ka makaihna, mihon tawh ka paina ka phawk hi.

Late 42:4 Referans Kwoze

Isaiah 30:29

Ahi zongin no Pasianʼ mite in ahihleh biakna pawi a kikham ni zan a bangin la na sa ding uh hi. Israel-te a hu Topa’ biakinn ah a pai dingin tamngai aw ginna zui-in a kuan khiate bangin na lungdam ding uh hi.

Late 122:1

Amaute in kei tungah, “Topaʼ inn ah pai ni,” hong cih uh ciangin kei ka kipak hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eiteʼ bukna ahi hi.

Nahum 1:15

En un, mual tungah kamtai pa hong tai a, gualzawh nading thupha hong gen ding ahi hi. Judah mite aw, pawi bawl unla, Pasianʼ tungah na ciam bangun gamta un. Bang hang hiam cih leh migilote kisusiacip khin a, na gam uh hong simkik nawn lo ding hi.

Late 100:4

Lungdamkohna tawh ama kongpi ah lut unla, amah phatna tawh ama huang sungah tum un. Ama tungah lungdam ko unla, ama min phat un.

Late 55:14

Kam khum tawh i kihoho ngei a, Pasianʼ inn sungah i kikhawl khawm ngei hi.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai ah nopsakna a ngah laitakin nangmah in haksatna a thuak na hi hi.

Kah la 2:19

Zanin tho zelzel inla, Pasian tungah kiko in. Na tate in hehpihna a ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.

JOB (Job) 29:2

“Ka nuntakna nidang a bang hikik henla, Pasian in kei hong et hun lai bang hong hikik leh ka ut hi.

2 KHANG TANGTHU NIHNATE 7:10

A kha sagihna a ni thum ni-in, Topa in David le Solomon le ama mi Israel tungah a hoih a bawlna hangin amah in lungdamna le kipakna tawh a inn uh ah mite a ciahsak hi.

Ruth 1:21

A dimin ka paikhia a, Topa in a hawmin hong ciah pihkik hi. Topa in kei hong gimsakin, Vanglian pa in kei tungah gimna hong tungsak ahih ciangin bang hangin Naomi hong ci lai na hi uh hiam?” a ci hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a teelna munah, note a kipan na tanute le na tapate, na nasem numeite le na nasem pasalte, na khua sunga om Levi mite, peemtate, pa nei lote le note lakah a om meigong numeite tawh na lungdam khawm ding uh hi.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

2 KUMPI NIHNATE 18:30

Topa in eite hong hon khia taktak dinga, Assiria kumpipaʼ khut sungah hih khuapi kipia lo ding hi, ci-a Hezekiahʼ hong genna tawh Topa suang kei un,’ ci hi.

Late 79:10

“Amauteʼ Pasian koi ah om ahi hiam?” minam dangte in a cih ding kilawm ding ahi hiam? Na nasemteʼ sisan luang khia a phulakna pen, minam dangteʼ lak, komauʼ muhna ah kitheisak in.

Late 80:6

Nangmah in, ka veengte uhʼ thusim lohin kote na hong bawl a, ka galte un hong thusim loin hong nuihsan uh hi.

Late 115:2

Bang hangin minam dangte in, “Amauteʼ Pasian koi ah om ahi hiam?” ci laizang ding ahi uh hiam?

Late 122:8

Sanggamte le kikholhpihte ka khualna-in, “Jerusalem in nopna om tahen,” ka ci ding hi.

Ezekiel 46:10

Gam uk ulian pa zong mihonte mah tawh lutin, amaute mah tawh pusuak khawm ding hi.

Joel 2:17

Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.