Late 4:8 - Tedim Bible Revision 2017

⁸ Nuam takin lumin ka ihmu ta ding hi; bang hang hiam cih leh Topa aw, nangmah bek in lungmuanna munah na hong omsak hi.

Tedim Bible

⁸ Nuam takin lumin ka ihmu ding hi; bang hang hiam cih leh Topa aw, nangmah bek in lungmuan’na munah nong om sak hi.

Late 4:8 Referans Kwoze

Paunak 3:24

Launa om loin nuam takin na lum dinga, zan tawntung lungmuang takin na ihmu thei ding hi.

Late 3:5

Lumin ka ihmu a, Topa in hong kem ahih manin ka thokik hi.

1 THESALONIKA MASA 5:10

Amah a hong paikik ciangin a hing ihi a, a si ihi zongin amah tawh i om khawm theih nadingin eite adingin amah a hong si ahi hi.

Thu-hilhkikna 12:10

Ahih hangin Jordan gal khat ah pai-in, Topa na Pasian un luah dingin note hong piak leitang ah teengin, nuam takin na nuntak theih nadingun na kiim uh a na langte khempeuh uh kiang panin tawlngakna hong piak ciangin,

Siampi Laibu 26:5

Na cil uh ante leenggah lawh hun dong kimang dinga, leenggah minte zong lo pawi hun dong kimang ding hi. Note in na kham takun an na ne ding uh a, lungnuam takin na gam sung uh ah na teeng ding uh hi.

Hosea 2:18

Tua ciangin, ka mite a suksiat loh nadingun gamlak a om gamsate, huihlak a leeng vasate le leitungah a bokvak ganhingte tawh thuciamna ka bawl dinga, thalte, namsaute, galhiam khempeuh, leitung panin ka phiat khia ding hi. A lungmuang hithiatin ka mite ka omsak ding hi.

Mangmuhna 14:13

Tua ciangin vantung panin awging khat ka za a, “Tu a kipanin Topa thu ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amauteʼ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak dinga, gamlak ah nuam takin gamta-in a lum thei ding uh hi.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma tak lamah nop tawntungnate a om hi.

Isaiah 9:2

Khuamial sunga a pai mite in khuavak lianpi mu khinta a, khuamial thukna gam sungah a teeng mite tungah khuavak taang khinzo hi.