Late 4:6 - Tedim Bible Revision 2017

⁶ Mi tampi in, “Thupha tampi hong pia in. Ko tungah na maitang vang hong taangsak in, Topa!” ci uh hi.

Tedim Bible

⁶ Mi tampi in, "Thupha ngah thei leeng ut si hang. Ko tungah na maitang vang hong taangsak in, Topa!" ci uh hi.

Late 4:6 Referans Kwoze

Late 80:19

Ka ngei uh hong bangsakkik in, Vanglian Topa Pasian aw. Kote khempeuh hong kihotkhiat theih nadingin na maitang hong taangsak in.

Gamlak-vakna 6:26

Topa in note tungah a maipha hong pia henla, note tungah nopsakna hong pia tahen,’ ci-in thupha pia uh hen.

Late 119:135

Na nasem pa tungah na mai hong taangsak inla, na ngeina kipte hong hilh in.

Late 80:7

Ka ngei uh hong bangsakkik in, Vanglian Pasian aw. Kote khempeuh hong kihotkhiat theih nadingin na maitang hong taangsak in.

Late 89:15

Topa aw, lungdamin lasakna tawh nang hong bia a, na migitna khuavak sungah nuam takin a nungta, nangma hangin sun thapai-in lungdam a, nangma hoihna hong phat mite mi nuamsa ahi uh hi.

Late 67:1

Pasian in eite hong hehpihin thupha hong pia henla, eite khempeuh tungah a mai hong taangsak tahen.

Luka 16:19

“Khat vei, mihau mahmah khat om a, nisimin puan manpha nono silhin, an lim nono ne-in a om hi.

Late 44:3

Bang hang hiam cih leh amaute in namsau tawh leitang ngah lo uh a, amauʼ khut in amauteʼ tungah gualzawhna pia lo hi. Na khut taklam le na baan, na hehpihna maipha hizaw hi. Bang hang hiam cih leh amaute tungah nang na lungkim hi.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kuaʼ ngah ding cih thei lopi-in mite in na a khol uh hi.

Late 21:6

Nangmah in a tawntungin thupha ngah pen dingin amah na bawl a, nangma ompihna hangin lungdamna tawh amah na kipaaksak hi.

Jeim 4:13

Tu ni ahih kei leh zing ciangin tua khua tua khua ah va pai-in, kum khat bang va omin, sum bawlin a meet tampi va ngah ni, a ci mite aw, ka thugen hong ngai dih un.

Luka 12:19

Tua ciangin keimah in: Mi hampha mahmah ka hi hi. Kum tampi sung ka khom ding an nek tui dawn le na hoih tampi ka nei hi. An ne, zu ne-in, a nuam theithei-in ka om hithiat ding hi,’ ci hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Late 42:5

Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Thu-hilhkikna 33:19

Amaute in a mual uh ah mite sam ding uh a, amaute in tua lai ah biakpiakna mante pia ding uh hi. Bang hang hiam cih leh amaute in tuipi tung le sehnel sungah na manpha kiseelte ngah uh hi,” a ci hi.

Malakhi 3:3

A ninte kaang tumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topaʼ tungah a kilawm biakna a pia ding uh hi.