Late 4:2 - Tedim Bible Revision 2017

² Mite aw, ka minphatna in bang tanvei daina thuak ding ahi hiam? Bang tanvei thumawkna deihin zuau thu zong ding na hi uh hiam?

Tedim Bible

² Mite aw, ka minphatna in bang tanvei daina thuak ding ahi hiam? Bang tanvei thu mawkna deih-in, zuauthu zong ding na hi uh hiam?

Late 4:2 Referans Kwoze

Paunak 1:22

“Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Hosea 4:7

Siampi tam semsem leh kei tungah a khialhna uh tam semsem hi. Amauʼ minthanna pen mindaina ka suaksak ding hi.

Late 3:3

Ahih hangin Topa aw, nang pen ka kidalna lum, ka minthanna le ka lu hong phong pa na hi hi.

Jeremiah 2:11

Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Late 106:20

Amaute in Pasianʼ minthanna pen lopa a ne bawngtal lim tawh a khek uh hi.

Late 5:6

Zuau thu a gen mite nangmah in na susia hi. Topa in mi thahnopna lungsim le mi khemnopna lungsim a neite a mudah hi.

Efesa 4:25

Tua ahih manin zuaugen nawn kei unla, Khris pumpi nate ihihna hangin pawl khat ihih manin khatlekhat tungah thuman kigen ni.

Thuhilh-sia 8:11

A mawhte gim kipia pahpah lo ahih manin mihingte in khialh ding haksa sa lo uh hi.

1 SAMUEL MASA 12:21

Meetna hong pia thei lo, hong hon thei lo, a mawkna milimte biakna lamah pial kei un; bang hang hiam cih leh tuate pen a mawkna ahi hi.

Jonah 2:8

Kimanna a nei lo milim a biate in nangmah hong taisan uh hi.

Jeremiah 9:3

A leii uh thalpeu bangin zang uh a, zuau thu bekbek a lawn khia khia uh hi. Gam sungah thuman om loin zuau thu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Isaiah 45:17

Ahih hangin Topa in Israel-te hon khia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Isaiah 20:5

Tua ciangin amauʼ lametna Ethiopia le amauʼ kisialh pih Egyptʼ hangin amaute lungkia-in a cih nading uh thei lo ding uh hi.

Late 63:11

Ahi zongin Pasianʼ hangin kumpipa lungdam dinga, Pasian tawh thuciamna a nei khempeuhte zong minthang ding uh hi. Bang hang hiam cih leh zuau thu a gen kam khempeuh kihubing ding hi.

Late 58:3

Migilote a khantawnun khial uh hi. A suah tung mahun lam khial pah uh a, zuau thu gen uh hi.

Late 58:1

No gam ukte aw, a manin thu na khen uh hiam? Note in mi khempeuhʼ thu a tangin na khen uh hiam?

Late 57:4

Huaihamna tawh mihing a ne tum, humpinelkai tawh a kibang miteʼ lakah ka om hithiat hi. Amauʼ hate, namsau hiam tawh kibang hi.

Late 31:6

Mawkna milim a thupi ngaihsutte na mudah hi; ahih hangin keimah in Topa kong muang hi.

Late 14:6

Mizawngteʼ geelna susia nuam uh a, ahih hangin Topa pen mizawngteʼ belh ahi hi.

Late 2:1

Bang thu hangin minam dangte siat nading ah kithukhat sim uh a, mite in a mawkna dingpi-in sawm sim uh ahi hiam?

Thuhilh-sia 9:3

Mi khempeuhʼ thumong kibang kim a, hih pen leitung a thupiang lakah a man het lo khat ahi hi. Mihingte a nuntak lai teng gitlohna le a mawkna thu tawh a lungsim uh kidim a, theih kholh lohin mihingte sipak uh hi.

Late 72:2

Amah in thumanna tawh na mite tungah thu khen henla, na mizawngte tungah thu a tangin khen tahen.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amauteʼ lakah ka hih sa limte om napi-in, amaute in bang tanvei hong um lo lailai ding ahi uh hiam?

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

1 KORIN MASA 1:31

Tua ahih ciangin Lai Siangtho sungah, “A kisathei mite, Topaʼ hang bekin kisathei tahen,” ci-in na kigelh hi.

Jeremiah 2:5

Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Sawltak 24:9

Jew mite in zong panpih uh a, hih a gen khempeuh a man mah ahi hi, ci-in a gen uh hi.