Late 32:5 - Tedim Bible Revision 2017

⁵ Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topaʼ tungah ka pulak ding hi,” ka ci hi. Tua ciangin ka mawhna nin nong maisak hi.

Tedim Bible

⁵ Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi.

Late 32:5 Referans Kwoze

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

2 SAMUEL NIHNA 12:13

David in hih thu a zak ciangin Nathan kiangah, “Topaʼ tungah ka khial khin hi,” a ci hi. Tua ciangin Nathan in David kiangah, “Topa in zong na khialhna hong maisak khinzo hi; nang na si kei ding hi.

Late 38:18

Ka thuman lohna ka pulak a, ka mawhna hangin ka dah hi.

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

Hosea 6:1

Amaute in, “Hong pai un, Topa kiangah ciahkik ni; amah in eite hong bal gawp hangin hong damsakkik dinga, eite hong liamsak hangin i liammate hong tunsakkik ding hi lo ahi hiam?

JOB (Job) 33:27

Tua ciangin amah in mihonpiteʼ zakna ah, ‘Kei ka khial khin hi. A manin ka gamta kei a, ahi zongin Pasian in kei hong suaktasak hi.

2 SAMUEL NIHNA 24:10

Ahih hangin mi a sim khit ciangin Davidʼ lungsim in a mahmah gimsak hi. Tua ciangin David in Topaʼ tungah, “Ka gamtatna sa sungah nakpi takin ka khial hi. Ahih hangin, tu-in, Topa aw, nang tungah kong thum hi; na nasem paʼ mawhna hong maisak in; bang hang hiam cih leh ka hai gamtat kha khin hi,” a ci hi.

Late 103:12

Nisuahna pen nitumna panin a gamlat mah bangin i mawhna hangin gimnate eiteʼ kiang panin gamlapi ah a nil khia hi.

Late 30:5

Ama hehna tomno sung bek hi a, ama hong deihsakna pen khang tawntung ading ahi hi. Zan hun sungteng kahna om kha mah dinga, ahih hangin zing khuavak tawh nuamna hong tung hi.

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

Luka 7:47

Tua ahih ciangin nang kiangah kong genin ah, ama mawhna tampi tak a omte kimaisak khin ahih manin amah in a itna nakpi takin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.

Late 103:3

Amah in ka mawhna khempeuh hong maisak a, ka natna khempeuh hong damsak hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

2 SAMUEL NIHNA 12:9

Ama muhna ah a sia a gamta dingin bang hangin Topaʼ thu simmawh na hi hiam? Nangmah in Hit mi Uriah namsau tawh vatin, ama zi nangma zi dingin na la a, Ammon miteʼ namsau tawh amah na that khin hi.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian min thangsak inla, amah phat in. Tu-in na gamtatna sate kei tungah hong gen inla, bangmah hong im kei in,” a ci hi.

Jeremiah 3:13

Na mawhna na phawk ding bek kisam hi. Topa na Pasian na langpanna, sing liim nuai khempeuh ah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Jeremiah 2:35

nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-teʼ nung ka zui kei hi,’ bang hangin ci thei ding na hi hiam? Mualkuam zang ah a om na lampi totte en to inla, na hih sate mu dih in. A suk tai a to tai kawikawi kalaoh huk na bang tazen hi.

Paunak 30:20

A citak lo zi hih bangin gamta hi: Midang tawh khialin tua ciangin kisilsiang a, “Khialhna bangmah gamta kei ing,” ci khem hi.

Malakhi 3:8

Keimah in note kong dotnop thu pen, mi khatpeuh in Pasianʼ na guksak ding kilawm ahi hiam? Kilawm lo hi napi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah-khat piakna le biakpiaknate ah nong guksak uh hi.

JOB (Job) 31:33

Midangte in a mawhnate uh pulak loin imcip uh a, ahih hangin keima mawhna cikmahin ka im ngei kei hi.

Luka 16:15

Jesu in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsim tawng uh a hong thei hi. Bang hang hiam cih leh mihingte in a manpha mahmah in a ngaihsutte pen Pasian in bangmahin sim lo hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Siampi Laibu 5:5

“Hihte khat peuhpeuh ah mi khat a mawh ciangin, amah in a gamtatna sa a khialhna pulak dinga,

2 SAMUEL NIHNA 24:17

Tua ciangin mite a vat vantungmi a muh ciangin David in Topaʼ tungah thu gen a, “En in, ka mawh hi; a khial pa pen kei ka hi hi. Hih mite in bang khialhna nei ahi uh hiam? Kong thum hi; kei le ka innkuante bek gim hong pia in,” a ci hi.

1 KUMPI MASATE 8:50

Nang tungah hong khial na mite le nang tunga hong gamtatna uh amauʼ thupalsatnate khempeuh maisakin, a galte un amaute tungah hehpihna a neih theih nadingun amaute manin a pua khia miteʼ muhna ah amaute hehpih in.

2 KHANG TANGTHU NIHNATE 6:29

mi khatpeuh ahi a, na mi Israel-te khempeuh in ahi zongin amauʼ natna le a dahna ciat uh thei-in hih biakinn lamah a khut uh hong zanin bangbang thungetna hitaleh bangbang thumna hitaleh hong bawl uh leh,

Ezra 10:11

Tua ahih ciangin tu-in na pu na pate uh Pasian ahi Topaʼ tungah na mawhna uh pulak unla, ama deihna bangin gamta-in hih gam a teeng gamdang mite le gamdang mi ahi na zite uh tawh kikhenin tuam om un,” a ci hi.

Late 25:16

Kei lamah nang hong kihei-in, kei hong hehpih in; bang hang hiam cih leh kei guak bek hi-in gimna ka thuak hi.

Late 25:18

Ka gimna le ka thuaknate hong ngaihsun inla, ka mawhna khempeuh hong maisak in.

Late 38:19

A thuman lopi-in ka gal ahite thahat a, kei a hong mudah khialte tam mahmah uh hi.

Late 51:6

Nang in nuntakna sungah thumanna na deih hi. Tua ahih ciangin ka lungsim tawng ah ciimna hong hilh in.