Late 27:5 - Tedim Bible Revision 2017

⁵ Bang hang hiam cih leh haksat hun ciangin amah in a buk sungah kei hong seel ding hi. A puanbuk khuhna nuai ah kei hong seel dinga, a sangna suang tungah kei hong koih ding hi.

Tedim Bible

⁵ Bang hang hiam cih leh haksat hun ciangin a buk sungah kei hong seel ding hi; a puanbuk khuhna nuai-ah kei hong seel ding-a, a san’na suang tungah hong koih ding hi.

Late 27:5 Referans Kwoze

Paunak 18:10

Topaʼ min pen tausang muanhuai tawh kibang a, thuman mite in belin lungmuangin om thei uh hi.

Late 31:20

Miteʼ sawm simna panin na omna huam sungah amaute na seel a, kitotna mun panin na buk sungah a muanhuai-in amaute na kem hi.

Late 138:7

Haksatna tuamtuamte ka thuak ciangin kei nong kem hi. A heh ka galte, keiʼ tangin nong dosak a, na thahatna tawh kei na hong hon khia hi.

Late 91:1

Sangpen paʼ liahna sung, Vanglian paʼ liim sungah a om mi khempeuh in

Late 119:114

Nang pen keima bukna mun le kei hong hupa na hi hi. Na thuciamna ka muang hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Late 40:2

Dahna dum sung, buannawng panin kei hong kai khia-in suangpi tungah ka khete nga a, ka khesikna mun a muanhuaisak hi.

Kolose 3:3

Note a si khin na hi uh a, noteʼ nuntakna pen Khris tawh Pasianʼ sungah a kiseel khawm ahi hi.

Late 17:8

Kei a hong su gawp migilo, kei a hong umcih a kihtakhuai mahmah ka galte kiang panin mitnauta bangin hong kem inla, na kha liim ah hong seel in.

Late 46:1

Pasian, i belh leh i thahatna hi a, haksat hunin a hong huh pahpah pa ahi hi.

Isaiah 26:20

Ka mite aw, hong pai-in na inn sung uh ah tum unla, na kongte uh khak un. Hehna a dam matengin tawl khat sung bu un.

Late 91:15

Amah in hong sap ciangin amah ka dawng ding hi. Haksatna sungah amah ka ompih dinga, amah hon khia-in ka pahtawi ding hi.

Late 57:1

Kei hong hehpih in Pasian aw, nang hong bel ka hih manin kei hong hehpih in. Siatna huihpi a ven mateng na kha liim ah kong bu ding hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Late 61:2

Ka lungsim a neu ciangin, leimong panin nang kong sam hi. Keimah sangin a sang zaw suangpi tungah hong paipih in.

Late 18:33

Amah in sangaipi khe bangin keima khe hong bawlsak a, mual sang dawnah ka khe hong kipsak hi.

Late 83:3

Amaute in khem siamna tawh na mite thangsiah uh a, amaute in na it mite langpangin thu kikum uh hi.

Late 77:2

Ka lungkham hunin keimah in Topa ka zong hi. Zanin thu ngenin gim het loin ka khut ka zan a, ahi zongin hehnepna ka ngah kei hi.

Isaiah 26:16

Topa aw, ka cihmawh uh ciangin nang kong zong uh a, nangma hong taina pen kote nong gimpiakna ahi hi.

Late 10:1

Topa aw, bang hangin gamla din na hi hiam? Haksat hunin bang hangin nang bucip khong na hi hiam?

Mattiu 23:37

“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

2 KHANG TANGTHU NIHNATE 22:12

Tua bangin Athaliah in gam sung a uk laitakin Pasianʼ biakinn sungah bu-in kum guk sung amaute tawh amah a om hi.

Late 31:21

Gal in khuapi a umcih bangin kei hong ki-umcih hun lai-in a itna kip a lamdangin kei tungah hong lak ahih manin Topa in thupha ngah tahen.

Late 40:3

Eima Pasian phatna la thak keimah hong hilh hi. Mi tampite in hih thu mu-in amah zahtak ding uh a, amaute khempeuh in Topa muang ding uh hi.

Late 61:3

Bang hang hiam cih leh nang, keima bukna na hi a, galteʼ langah tausang muanhuai na hi hi.