Late 23:3 - Tedim Bible Revision 2017

³ Thahatna thak kei hong guan hi. A hong ciam sa mah bangin ah lampi man ah kei hong kha hi.

Tedim Bible

³ Ka nuntakna tha hong dimsak a, ama min’ adingin thuman lampi-ah kei hong kha hi.

Late 23:3 Referans Kwoze

Isaiah 42:16

“Amauʼ theih loh lampi ah mittawte ka paipih dinga, amauʼ theih ngei loh sul zuih pihin ka kha ding hi. Amauʼ mai ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Late 31:3

Nang pen ka suangpi le ka munkip muanhuai na hi hi. Nangma min ngaihsutna tawh kei hong kha-in lam hong lak inla,

Late 19:7

Topaʼ thu kicing a, nuntakna a thaksuaksak hi. Topaʼ teci panna hi takpi a, mipil lote pilsak hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Late 5:8

Topa aw, gal tampi nei ka hih manin na thumanna tawh kei hong makaih inla, keima mai ah na lampi taangsak in.

Late 51:12

Nong hotkhiatna hangin hong lungdamsakkik inla, utna lungsim tawh keimah hong huh ta in.

JOB (Job) 33:30

sih nading panin hon khiakik zelin nuntak nuam a piakik hi.

Paunak 8:20

Thuman lampi ka zui a, thutang lampi ka tawn hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

Late 79:9

Kote a hong hon khia Pasian aw, nangma min a than nadingin kote hong huhin, nangma min hangin kote hong khah khia-in, ka mawhnate uh hong maisak ta in.

Late 85:13

Topaʼ mai ah thuman na ma pai dinga, ama lampi a bawl khol ding hi.

Paunak 4:11

Na pil nading lampi kong hilh zo a, na gamtatzia ding kong gen zo hi.

Late 119:176

A gammang tuu bangin lam ka pial khin hi. Tua ahih manin na nasem pa hong zong in. Bang hang hiam cih leh nangma thupiaknate ka pelh kei hi.

Ezekiel 20:14

Ahi zongin Egypt gam panin amaute ka paikhiat pihna minam dangte in hong mu khin ahih manin tua bangin gamta leng, keima mindai nading mah hi zel ahih manin amaute bangmah ka cih kei hi.

Jeremiah 31:8

En un, keimah in leilu lam gam panin amaute ka la dinga, leitung a gamla pen mun panin ka kaikhawm ding hi. Mittawte le khebaite zong hong kihel ding uh a, nupi gaite le nausuak ding numeite a kipan hih lai munah mihonpi hong ciahkik ding uh hi.

Efesa 1:6

Ama it Tapa hangin hih bangin letsong hong pia ahih manin a vanglian ama hong hehpihna hangin Pasian phat ni.

Late 34:3

Kei tawh Topa nak phat un, ama min pahtawi khawm ni!

Late 31:4

keima belh pa na hih manin hong kisiahna ngenthang panin kei hong la khia in.

Late 106:8

Ahi zongin amah in a lian mahmah a vangliatna a kitheihsak nadingin ama min a ngaihsutna-in amaute a hon khia hi.

Late 109:21

Ahih hangin Topa ka Pasian aw, na min na ngaihsutna tawh keima tangin hong pang inla, na itna kip hoih ahih manin kei hong hon khia in.

Jeremiah 31:25

Bang hang hiam cih leh a gim mite ka tawldamsak dinga, gil kialin a tha zawm mite khempeuh an ka vak kham ding hi,” a ci hi.