Late 147:2 - Tedim Bible Revision 2017

² Topa in Jerusalem khuapi lam a, amah in a kinil khia Israel-te a kaikhawm hi.

Tedim Bible

² Topa in Jerusalem khuapi lam a, amah in a kinilkhia Israelte kaikhawm hi.

Late 147:2 Referans Kwoze

Isaiah 56:8

Israel a kikhenthangte a kaikhawm Topa Pasian in, a kikaikhawm sa mite banah midangte keima kiangah ka kaikhawm lai ding hi, ci hi,” a ci hi.

Late 51:18

Na lungkimna pha tawh Zion tungah a pha bawl inla, Jerusalem kulhpite ciangkik ta in.

Thu-hilhkikna 30:3

Topa na Pasian un note na ngei uh hong bangsakkikin, note tungah hehpihna hong nei dinga, Topa na Pasian un note hong thehthangna mi khempeuhte lak panin note hong kaikhawmkik ding hi.

Ezekiel 38:8

Minam tuamtuamte lak panin kikaikhawmkikin a gam uh a kitutkik zawh gallauna nei loin a om Israel miteʼ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawl khiatna gam khempeuh panin amaute ka kaikhawmkik dinga, hih munah tun pihkikin, lungmuang takin ka omsak ding hi.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Jeremiah 31:4

Aw, nungak siangtho Israel aw, nang kong bawl phakik ding hi. Na khuangte na mankik dinga, a gualnuamteʼ lamna ah na va kihel ding hi.

Isaiah 27:13

Tua ni ciangin peengkul lianpi khat kitum dinga, Assiria gam sunga a mangthang mite le Egypt gam sunga a kihawl khia mite hong pai-in Jerusalem mual siangtho tungah Topa hong bia ding uh hi.

Nehemiah 7:4

Khuapi lianin zai a, ahi zongin a sungah mi tawm bek om a, innte a kilam om nai lo hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.

Mattiu 16:18

Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

Nehemiah 6:15

Elul kha ni sawm nih le nga ni-in kulh kizo a, ni sawm nga le nih sung hun bei hi.

Nehemiah 6:16

Ka galte un hih thu za-in, ka kiim uh a om minam dangte in a theih uh ciangin lamdang sa a, koteʼ Pasianʼ huhna tawh hih nasep kizo ahihna a phawk uh hi.

Late 102:17

Amah in mi cimawhteʼ thungetna kinin, amauʼ thumna simmawh lo ding hi.

Jeremiah 31:10

“Aw, gamdangte aw, Topaʼ kammal ngai unla, gamlapi, tuipi gei-a omte kiangah va gen sawn un. ‘Israel mite a kithehthang sakpa in kaikhawmkik dinga, tuucingpa in a tuute a kep bangin a kem ding hi,’ va ci un.

Micah 4:6

Topa in hih bangin ci hi: Keimah in gim ka piak ahi, sal a om gimna a thuak mite, ka kaihkhopkik hun hong tung ding hi.

Zekhariah 8:7

Nisuahna le nitumna gamte panin ka mite ka hon khia dinga,